Intervist me rapsodin Argjend Lika

Që nga hapja e “Odës Kërçovare” në Zvicër është hera e parë që Argjend Lika, rrëfen se ndjenja e atdhedashurisë ka qenë motivi kryesor i tij nga ku i ka lindur iniciativa që copëza të vendlindjes përmes përcjelljes të artit, melosit e traditës të sofrës ta kultivojë për pasardhësit edhe në shtetin helvetik, ku punojnë e jetojnë mijëra kërçovar.

Në një intervistë Argjend Lika tregon për përpjekjet dhe sfidat që ka hasur gjatë katër viteve të fundit në promovimin dhe kultivimin e traditës dhe kulturës kërçovare.

Kështu, Oda Kërçovare, e themeluar me një pasion të thellë për ruajtjen e trashëgimisë kulturore të rajonit, ka arritur të bëhet një pikë referimi për komunitetin shqiptar, duke përfshirë mes këngëve dhe artit të performuar, elemente autentike që pasqyrojnë shpirtin kërçovar, thotë artisti kërçovar Argjend Lika.

I cili gjatë rrëfimit potencon se edhe pse mund të ketë hasur në peripeci të ndryshme gjatë këtyre viteve, dashuria për traditën dhe kulturën e vendlindjes ka qenë forca shtytëse që e ka mbajtur të gjallë këtë nisëm.

Ai thotë se përmes aktiviteteve që i ka gati për çdo fund javë, “Oda Kërçovare”, është shëndrruar në një fole jo vetëm për kërçovarët që jetojnë në Zvicër, ku gjejn ngrohtësin e vendlindjes së tyre por edhe për shqiptarët e trevave tjera të atdheut tonë.

Andaj, artisti popullor Argjend Lika, në cilësinë e themeluesit thotë se bashkë me disa dashamirë të artit e kulturës sonë do të synojmë që edhe më tutje të vazhdojmë që të mbështesin promovimi e artit dhe traditës sonë kërçovare.

Me qëllimin e vetëm për të trashëguar këto thesare ndër brezat si një obligim atdhedashës që duhet ushqyer te emigrantlt e që bashkë me gjuhën e traditat tona vendlindjen pasardhësit tanë ta kenë gjithmon pjesë të pandar të jetë së tyre!

/tvgurra