Maqedonia do të ndihmoj me armatim Ukraninën

Ministri i Mbrojtjes, Vllado Misajllovski thotë se pakoja e re me ndihma ndaj Ukrainës do të miratohet në qeveri pasi të gjithë ministrat të pajisen me certifikatë të sigurisë, përcjell TV21. Misajllovski thotë se për dallim nga e kaluara, tani do të bëhet vlerësimi i pajisjeve që dhurohen.

“Pikërisht ashtu. Ka pako shtesë për ndihmë ndaj Ukrainës. Mendoj se shumë shpejtë do të jetë në seancë të qeverisë, presim që të gjithë ministrat të marrin certifikatë të sigurisë, sepse një pjesë e këtyre informacioneve janë me karakter konfidencial. Së shpejti do të lëshohet informacioni dhe do të dihet se çfarë pajisje shtesë do të jepen.

Edhe pse të them kështu direkt, është pjesë e mbetur e pajisjeve që tashmë janë dhënë. Është me rëndësi që në këtë periudhë të bëjmë vlerësim për atë që e kemi dhënë si vend, sepse në këtë moment jemi vendi i 5-të kontribues në donacione dhe ndihmë ndaj Ukrainës”, theksoi Misajllovski.

/tv21.tv