Bitcoin përballet me presionin e shitjes nga balenat e mëdha..

Një stuhi e vërtetë ka pushtuar tregun e kriptoaseteve ndërsa çmimi i Bitcoin dështoi të fitojë terren pavarësisht një rritjeje të lehtë ditëve të fundit.

Kriptomonedha më e madhe në botë u rrit me vetëm 0.5 përqind në 57,350 dollarë mëngjesin e sotëm sipas të dhënave të CoinGecko. Por ato çfarë ndodhin në prapaskenë mbase tregojnë edhe historinë e vërtetë të saj.

Një faktor kyç që ka kontribuar në dobësinë e çmimit të Bitcoin është shitja agresive nga balenat e reja. Sipas të dhënave të publikuara në X drejtori i kërkimit në CryptoQuant Julio Moreno, investitorët e mëdhenj kanë shitur 688 milionë dollarë Bitcoin vetëm më 5 Gusht, humbja më e madhe në një ditë të vetme që prej Majit 2021.

“Shumica e shitjeve erdhi nga balenat e reja,” shkruante ai ndërsa të vjetrit nuk po shesin. Ky presion shitjeje kanë nxitur një trajektore negative për çmimin e Bitcoin duke bllokuar sentimentin pozitive që gjenerohej nga faktorë të tjerë.
“Bitcoin po ndërton moment duke i rezistuar presionit të ditëve të fundit. Edhe pse dështoi të kapërcente çmimin 58,000 dollarë ditën e Hënë, kriptomonedha duket në rrugën e duhur,” shprehej analisti i BRN Valentin Fournier.

Ndërsa investitorët po presin të shohin nëse Rezerva Federale Amerikane do të ulë interesat në takimin e radhës më 17 Shtator, Fournier tha se duhet ndjekur edhe publikimi i raportit të indeksit të çmimeve më 14 Gusht nga Zyra e Punës në Shtetet e Bashkuara.

Ethereum, kriptomonedha e dytë më e madhe në botë ka humbur terren gjithashtu. Aktualisht këmbehet me 2,448 dollarë.

/PCWorld Albanian