Fshati Qafë, nga braktisja tek ringjallja turistike..(VIDEO)
Ky është fshati Qafë i cili ndodhet në zonën malore midis Kërçovës dhe Gostivarit, me një lartësi mbidetare prej 2062m. Me një pozitë të bukur gjeografike, fshati ka bukurin e tij të pashmangshme. Për shkak masakrave nga lufta e parë dhe e dytë botërore, ky fshat kishte mbetur pa banor.
“Ndodhemi në fshatin Qafë. Fshati Qafë në luftën e parë dhe luftën e dytë botërore ka pasur masakra. Para 20 viteve ka qenë personi I fundit që është shpërngulur nga ky fshat dhe gati 5 vite fshati ka qenë pa asnjë banorë. Para 15 viteve u hap një restorant, atëherë kur filloi të gjallërohet pak a shumë fshati, ndërsa vitet e fundit janë ndërtuar vila dhe po ndërtohen shtëpi dhe fshati ka filluar të popullohet”, raporton Salije Sadiku Pinjolli, gazetare e TV21.
“Restorantin e kemi hapur para 14 viteve kur nuk kishte asnjë në fshat. Ne e hapëm të parët me rrezik por thash në fillim ishte pak problem nuk kishte rrugë nuk kishte rrymë, por tash krejt punët janë rregulluar”, tha Nurka Jusufi, pronar restoranti.
Ky restorant hapi rrugën për ndërtimin edhe të restoranteve tjera dhe vila në këto 5 vitet e fundit. Kjo ka bërë që fshati të vizitohet nga vendas dhe të huaj duke shijuar natyrën dhe duke u njoftuar me historinë e fshatit.
“Siç thash ne ishim të parët por tash janë hapur edhe dy restorante të tjera dhe vila dhe jemi të kënaqur sepse është zhvillu fshati, janë hapur restorantet ka më shumë lëvizje, më shumë njerëz, më shumë turistë dhe është mirë për të gjithë”. Shtoi Jusufi.
Problem është një pjesë e rrugës së pa asfaltuar, me një investim të vogël të komunës së Gostivarit dhe Kërçovës mund të hapet edhe rruga e vjetër nga Gostivari në Qafë e cila është shume e shkurtër.
“Ne kemi qenë të parit që e kemi hap restorantin edhe që u zhvillu Qafa edhe krejt por neve rrugën nuk na e bënë. Tash kanë filluar të ndërtojnë edhe të tjerë është zhvilluar shumë siç duket është një vend shumë i mirë me ajër të pastër”, sqaroi Jusufi.
VIDEO:
/tv21
