ASH i takon atij që e rrëzoi BDI-në nga Qeveria..
Gazetari Destan Jonuzi lidhur me debatin aktual se kujt i takon ASH, Taravarit apo Selës, thotë se kjo parti i takon atij që e rrëzoi BDI-në nga Qeveria duke u thirrur në atë se pse është themeluar kjo parti.
“Po shoh nëpër rrjetet sociale diskutime se kujt i takon ASH-ja, Dr.Arben Taravarit apo Ziadin Sles. Pa be tifozin siç bëjnë militantët e Selës, sipas një logjike racionale ASH-ja i takon atij që e rrëzoi BDI-në nga Qeveria dhe që vazhdojë rrugëtimin për të cilin ishte ndërtuar ky subjekt politik.
Në asnjë mënyrë askush, as z.Taravari nuk i ka mohuar asnjëherë kontributin, punën dhe veprimtarinë z.Sela, por votuesi opozitar, militanti “Thaçistë” që u shndërrua në ASH (Xhaferistë), por edhe shumë opozitar tjerë që u bënë bashkë me idenë për ndryshim edhe në kampin politik shqiptar, në shumicë janë në krahë të z.Arben Taravari.
Edhe z.Sela e di që rruga që u nis ishte për ta rrëzuar BDI-në nga pushteti dhe për ta sjell ndryshimin edhe te shqiptarët, jo për ti dhënë edhe një infuzion politik 20 vjeçar Ali Ahmetit” shkruan Destan Jonuzi në profilin e tij në Facebook. Rruga që ndoqi Arben Taravari i kontribuon demokracisë parlamentare. Ajo tashmë ka bë këtë ndryshim, i cili do ta bëjë më dinamike skenën politike shqiptare…
/infoshqip
