Tregu i gjelbër në Kërçovë i “vdekur” pas shkuarjes së mërgimtarëve..(VIDEO)
Tregu i gjelbër në Kërçovë thuajse ka “vdekur”! Janë 5 ose 6 tezga funksionale dhe 3 shitës rrobash.
Puna këtu filloi të zbehet dalëngadalë ndër vite, por në 3 vitet e fundit është thuajse i zbrazët, siç mund ta shihni në pamje.
“Kjo është gjendja e tregut të gjelbër në Kërçovë, më shumë tezga të zbrazura se sa të mbushura, janë vetëm pesë ose gjashtë vetë të cilët punojnë brenda javës, ndërsa ditën e shtunë kur është ditë pazari vijnë nga qytet tjera dhe mbushet.
Megjithatë është vështirë për të mbijetuar thonë prapa kamerës disa shitës këtu, vera ka gjallëri për shkak të mërgimtarëve, por pasi kalon vera vështirë mbijetohet”, raporton gazetarja e TV21, Salije Sadiju Pinjolli.
Këto tezga që janë të zbrazura mbushen vetëm ditën e shtunë nga shitës që vijnë nga qytetet tjera sepse në Kërçovë dita e shtunë është ditë pazari. Kujtojmë se edhe kushtet në këtë treg nuk janë aspak të mira. Kryetari i Komunës disa herë ka premtuar rinovimin dhe modernizimin e tregut në këtë qytetet por deri më tani nuk është marrë ndonjë hap konkret.
VIDEO:
/tv21
