Kryetari Fatmir Dehari shpreh ngushllime për ndarjen nga jeta të Albion Sejdinit

I tronditur nga lajmi për ikjen e Albionit nga kjo jetë e shkurtër, e rrejshme e cila lë kujtime të pashlyeshme!
Sot, qytetarët kërçovarë morrën lajmin e shuarjes së një lulje të re- Albion Sejdinit.

I dashur babë Nebi, e shtrenjta nëna Lule, të çmuar vllezër Besart e Shpëtim, të respektuar vllezërit e mi – dajallarët e Albit, ju familja Sejdini, jeta ndonjëherë di të tregohet e egër dhe e pamëshirë ndaj krijesës njeri, por, në rastin e Albionit, i cili kthehej nga puna në orët e vona, dhimbjen duhet ta shëndërroni në krenari, lotët në kurajo, e kujtimet qofshin të paharruara për të!

Albi, një i ri, i edukuar nga dy prindër të mirë, punëtor, energjik dhe i buzëqeshur, i urtë e i sinqertë, tashmë i parapriu rrugës për tek Zoti i Gjithësisë, për të qenë afër Engjujve!
Le të mos harrojmë se Albioni jonë i dashur do të jetojë gjithmonë në zemrat tona dhe në kujtimet tona.

Ju dërgoj dashurinë time dhe ngushëllime të sinqerta në këto momente të vështira. Ju lutem kujtoni se nuk jeni vetëm.
Qoftë i përjetshëm kujtimi për të!
Me dhimbje dhe dashuri,
I juaji vëlla, Fatmir Dehari

/ms