Ekonomia zvicerane u rrit për 0.5% në tremujorin e dytë të 2024-ës..

Ekonomia zvicerane u rrit pak më shpejt se sa pritej në tremujorin e dytë të vitit 2024. Prodhimi i Brendshëm Bruto (PBB) u rrit me 0,5% mbi një bazë të rregulluar midis prillit dhe qershorit të vitit 2024 krahasuar me tremujorin e mëparshëm.

Kjo rritje ishte “pak mbi mesataren”, sipas vlerësimeve fillestare të Sekretariatit Shtetëror për Çështjet Ekonomike (Seco). Industria në veçanti kontribuoi në rritje, së bashku me sektorin e shërbimeve.

Ekonomistët e anketuar nga AWP kishin pritur vetëm rritje prej 0.2 deri në 0.4%. Në tremujorin e parë, PBB-ja ishte rritur me 0.3% krahasuar me tremujorin e mëparshëm, shkruan albinfo.ch.

Të dhënat aktuale bazohen në një vlerësim të shpejtë nga Seco. Të dhënat bazë që janë ende të paplota plotësohen me vlerat e parashikimit, raporton swissinfo. Të dhënat e plota dhe të përditësuara të disponueshme më vonë mund të ndryshojnë ende rezultatin.
Vlerësimi zyrtar për tre muajt e parë të vitit do të publikohet më 3 shtator.

/albinfo