Maqedoni: Aparate për kazino janë paguar 10 milionë euro..?

A ka pasur korrupsion në prokurimin e terminaleve të videolotarisë nga Video Lotaria e Re Shtetërore NOVO VLT gjatë periudhës zgjedhore? Kjo pyetje mbetet ende pa përgjigje, pasi çështja u ngrit nga koalicioni VLEN më shumë se dy javë më parë.

TV21 ka raportuar po ashtu edhe për terminalet e video lotarisë dhe blerjen e bërë më 13 qershor, një muaj pas përfundimit të zgjedhjeve dhe para formimit të Qeverisë së re.

Përgjigja e fundit që kemi marrë nga Prokuroria Publike thotë se gjithçka do të hetohet dhe ata u kanë bërë thirrje të gjithë personave dhe subjekteve që kanë prova që t’i dorëzojnë në Prokurori.

Nga Lotaria e re shtetërore NOVO VLT thonë se tenderi është zbatuar sipas ligjit dhe se me përplasjet e përditshme mes partive u shkaktojnë dëm serioz.
Pronari dominues i kësaj kompanie është Lotaria shtetërore ndërsa bashkëpronar është HTL Maqedoni, kompania që është në pronësi të Novomatik të Austrisë.

Sipas VLEN-it, prokuroria duhet ta hetojë marrëveshjen për prokurimin e aparateve për kazino, përkatësisht terminaleve të videolotarisë, që është lidhur më 13 qershor, një muaj pas zgjedhjeve dhe para formimit të qeverisë së re.

Tenderin prej gati 19 milionë eurove e ka marrë HTL Maqedoni që është një prej pronarëve të NOVO VLT-së. Kjo kompani ka qenë ofruesi i vetëm në tender. Kjo do të thotë se NOVO VLT ia ka dhënë tenderin prej 19 milionë eurove bashkëpronarit të tyre, partnerit të huaj të Lotarisë shtetërore.

/tv21