Kërçovë: Fshati Greshnicë i lënë pas dore..(VIDEO)

Kështu duket rruga në fshatin Greshnicë të Kërçovës pas punimeve të kanalizimit. Kjo rrugë lidh katër fshatra të kësaj ane, Greshnicën, Leshnicën, Baçishtin dhe Reçanin. Që kur kane nisur punimet në rrjetin kryesorë të kanalizimit rruga është në këtë gjendje.

Gjatë kësaj periudhe të verës kur mërgimtarët janë në vendlindje, ajo po krijon probleme në qarkullim.
Edhe pse siç duket rrejti i kanalizimit ka përfunduar, rruga tanimë mbi dy muaj vazhdon të jetë e pa asfaltuar.

“Rruga është prishur shkaku i kanalizimit, ne si banorë para dy javësh morëm iniciativë e mbushëm e rregulluam dhe sollëm vendim që ujë të mos lëshohet në rrugë. Kjo pjesa këtu që është i kam lajmëruar me shkrim që të mos përdorin ujin se krijohen gropa. Këta thonë neve na mbyt pluhuri tash unë s’mund të sjellë policinë këtu.

Të flas të drejtën unë nuk e di kur do ta rregullojnë si do e rregullojnë, vetëm se kam të dhëna që pasi të përfundojë kanalizimi për asfaltim për gjëra do e marr komuna përsipër”, tha Sefer Rrahmani – kryetar i Bashkësisë Lokale fshati Greshnicë.

Rrjeti i kanalizimit nuk ka shkatërruar vetëm rrugën, por edhe disa oborre shtëpish.
Te oborri i Muadinit kalon rrjeti i kanalizimit, ndërsa aty janë hequr pllakat e bekatonit, është prishur muri dhe oborri tërësisht. Edhe pse kanë kaluar dy muaj që kur është mbyllur kanalizimi, oborri i tij vazhdon të jetë në gjendje të mjerueshme.

“Më thanë a ka mundësi në këtë sistem si është, u thash ka mundësi por nëse prishet diçka të ma rregulloni, më thanë atë e garantojmë ne, filluan ta ndërtojnë prishën telat atje para, e bënë gropën aty ku është, e shkatërruan edhe murin atje, mi prishën edhe bekatonkat aty dhe e kanë lënë as kështu e as ashtu. Kjo ka mbi një muaj e gjysmë dhe nuk janë paraqitur.

Ishte një ditë një gjerman e fotografoi më tha se do të bëhet por se kur do të bëhet unë nuk e di . Jam duke punuar që 3 javë. I kam mbush gropat vet”, tha një banor i fshatit Greshnicë.

Rrjeti kanalizimit që kalon përmes fshatrave është rrejt i cili përfshin shumë fshatra të Kërçovës duke filluar nga Zajazi e deri në Drugovë të Kërçovës.
Kjo është rruga mu në hyrje të fshatit. Ka gjerësi 7 metra sepse banorët me vetiniciativë zgjeruan rrugën por para disa vitesh u asfaltua vetëm 3 metra, ndërsa pjesa tjetër u mbush me rërë. Edhe pse ka vend për dy korsi njëra është asfaltuar e tjetra është e mbushur me rërë, ndërsa tani me kalimin e rrjetit të kanalizimit në këtë pjesë, rruga është shkatërruar tërësisht.

VIDEO:

/tv21