Arrestohet pakistanezi i lidhur me Iranin, do të vriste Donald Trump-in..!
Një pakistanez i dyshuar për lidhje me Iranin është akuzuar për një komplot për të vrarë ish-presidentin amerikan Donald Trump. Asif Merchant udhëtoi në Nju Jork për të rekrutuar dy vrasës, që ishin në fakt oficerë të fshehtë, dhe pagoi 5000 dollarë paradhënie.
Ai u arrestua në korrik ndërsa po përgatitej të largohej nga SHBA. Dokumentet e gjykatës nuk identifikojnë objektivat e mundshëm, por zyrtarët amerikanë pranuan se kërcënimi për jetën e Trump nga Irani kërkoi siguri shtesë para një mitingu ku Trump u plagos. Arrestimi i Merchant nuk lidhet me këtë incident sipas BBC.
Ai donte që të vritej një “person politik” dhe kishte paraqitur skenarë të ndryshëm për vrasje. Zyrtarët amerikanë kanë paralajmëruar për vite me rradhë dëshirën e Iranit për hakmarrje për vrasjen e Qassem Soleimani në 2020, e urdhëruar nga Trump. Qeveria amerikane ka siguruar mbrojtje për zyrtarë të shumtë të administratës Trump.
FBI dhe Departamenti i Drejtësisë pritet të vazhdojnë të trajtojnë këto kërcënime. Merchant, 46 vjeç, udhëtonte shpesh në Iran, Siri dhe Irak, madje ka edhe familjen në Iran. Pas arrestimit, prokurorët kërkuan paraburgimin e tij, duke theksuar rrezikun e arratisjes.
Dokumentet e gjykatës e lidhin komplotin me një udhëtim të tij në SHBA në prill për të rekrutuar pjesëmarrës. Ai kishte paguar paradhënie për vrasjet e planifikuara dhe kërkonte organizimin e protestave dhe aktiviteteve të tjera. Ai u arrestua më 12 korrik ndërsa planifikonte të largohej nga SHBA.
/ zeri
