Lagjja “Llamellat” në Kërçovë e shkatërruar! Banorët kërkojnë mirëmbajtje..

Para shumë vitesh Lagjja “Llamelat” ishte ndër më të bukurat në Kërçovë, me parking dhe park të madh si dhe lojëra fëmijësh, por sot hapësirat e saj janë shkatërruar. Shatërvani është jashtë funksionit, ulëset e prishura, parku për fëmijë thuajse jo funksional, ndërsa për gjelbërimin kujdesen vetë banorët, pasi siç thonë.

Ndërmarrja Komunale nuk e bën këtë, por vetëm i mbledh mbeturinat nga kontejnerët para banesës. Kërkojnë nga autoritetet të marrin masa dhe të kthejnë parkun e lagjes në gjendjen e mëparshme.

E kjo banore kishte hall edhe më të madh, pasi banonte në katin e parë, me pamje dhe ballkon pas ndërtesës nga rruga magjistrale, ku ka ferra dhe bar, nga ku ka frikë se mund t’u futet ndonjë gjarpër.

Për këtë gjendje pyetëm ndërmarrjen komunale, por nga atje na thanë se përgjegjës për mirëmbajtjen e parqeve nëpër banesa e kanë vetë banorët ose këshillat banesore.

/ina