Nxehtësia vret më shumë njerëz në Zvicër sesa fatkeqësitë natyrore..!
Në vitin 2022, një nga verat më të nxehta në historinë e fundit, 623 njerëz vdiqën në Zvicër për shkak të ekspozimit të nxehtësisë, tha për mediat zvicerane epidemiologia mjedisore Ana Vicedo-Cabrera, shkruajnë mediat zvicerane, përcjell albinfo.ch.
Për krahasim, 241 persona kanë vdekur në aksidente trafiku rrugor në të njëjtin vit, ndërsa ngjarjet natyrore, si përmbytjet, ortekët dhe rrëshqitjet e dheut, kanë marrë mesatarisht rreth 10 jetë në vit në dy dekadat e fundit.
Megjithatë, shumë kantone nuk kanë një strategji gjithëpërfshirëse dhe sistematike të shëndetit publik për të mbrojtur popullsinë gjatë valëve të të nxehtit.
“Zvicra duhet të shqyrtojë nëse rregulloret e përgjithshme, mbarëkombëtare janë më efektive sesa ato [lokale] që ekzistojnë aktualisht”, tha ajo, duke shtuar se “nëse nuk bëjmë asgjë tani, vdekshmëria e lidhur me nxehtësinë do të vazhdojë të rritet”.
/albinfo
