Rruga Kërçovë -Ohër, Mickovski: Mirë që dolëm nga procesi kompleks i arbitrazhit me Sinohydro..

Kryetari i Qeverisë Hristijan Mickoski e komentoi vendimin e kompanisë kineze Sinohydro që të tërhiqet nga kontesti kundër shtetit për ndërtimin e autostradës Kërçovë-Ohër në pyetjen e një gazetari gjatë manifestimit të organizuar në Odën Ekonomike.

“Është një arbitrazh i nisur nga një nënkontraktor ndaj Sinohydro, dhe Sinohydro ndaj shtetit. Me një qasje të arsyetuar mund të them se në 30 ditët e kaluara është siguruar që ai arbitrazh është tërhequr. Përndryshe, ekzistonte rreziku që të shpenzohen së paku 50 milionë euro para publike dhe këto janë mjete që tani do t’i kemi më shumë për biznes, më shumë për qytetarët, më shumë për investime kapitale.

Është mirë që dolëm nga ai proces i ndërlikuar pa u ndëshkuar”, theksoi Mickoski dhe shtoi se ka qenë një mosmarrëveshje që ka dalë nga një nënkontraktor lidhur me marrëdhëniet pronësore juridike që e ka penguar të punojë pa probleme.

/TS/