A do të “mbyll dyert” e kredive të shpejta koalicioni VLEN – VMRO DPMNE..?
Koalicioni VLEN, partneri shqiptar në Qeverinë e Hristijan Mickoskit – qytetarëve u ka premtuar mes tjerash edhe mbylljen e dyqaneve për para (kredive të shpejta), aksione nga ndërmarrjet shtetërore dhe mbylljen e kazinove.
Njohësit e zhvillimeve politike në vend për PRESSonline.al – thonë se përveç katër prioriteteve kryesore të Qeverisë së re: rruga evropiane, zhvillimi ekonomik, “beteja” me korruspionin, decentralizimi i pushtetit, ajo duhet tu përmbahet edhe premtiemeve tjera për të cilat qytetarët presin të përbushen.
“Edhe pse ndryshimi i pushtetit në Maqedoninë e Veriut ka qenë i shumë pritur, Fronti Evropian menjëherë pasi kuptoi se duhet të kalojnë në opozitë ngriti çështjen e legjitimitetit për ti ulur pazarin VLENI-të. Mirëpo pasi koalicioni VLEN – VMRO DPMNE fituan në zgjedhjet si rezultat i dështimeve të shumta të qeverisë paraprake BDI – LSDM dhe premtuan qeverisje ndryshe me masa konkrete për të ndryshuar gjendjen e pavolitshme, shpresoj t’i zbatojnë masat që i premtuan, nga ata katër prioritet themelore që më dihet cilat janë, duhet të reagojnë dhe në premtimet tjera sidomos për çështja e kazinove dhe kredive të shpejta”, thotë ish-deputeti Zudi Xhelili në deklaratë për PRESSonline.al
Në anën tjetër, juristi Qenan Aliu është i mendimit se Qeverisë së re duhet ti jepet kohë për të parë se sa do të jetë përmbushja e premtimeve parazgjedhore.
“Ka një postulat që thotë se qytetarët votojnë se kush do të qeverisë dhe jo se si do të qeverisë. Qeveria ka një javë që ka filluar me punë duhet të pritet për të parë se sa do të jetë përmbushja e premtimeve parazgjedhore dhe se çfarë politikash publike do të shpërfaq n[ zbatim qeveria e sapo-zgjedhur”, deklaroi Aliu për PRESSonline.al
Kryeministri Hristijan Mickoski paralajmëroi qeveri reformuese dhe investime të menjëhershme.
Qeveria e re, siç ka deklaruar kryeministri, është e orientuar drejt zhvillimit ekonomik, kohezionit social dhe bashkëpunimit ndërkombëtar. Sipas tij, ajo do të jetë e përkushtuar në zgjidhjen e çështjeve urgjente me të cilat përballemi dhe punë drejt një shteti të unifikuar dhe prosperues.
/(PRESSonline
