Ismail Kadare nuk shuhet kurrë.. Ngushllime familjes
Ditën e sotme, në orët e para të mëngjesit, ka ndërruar jetë në moshën 88 vjeçare, shkrimtari i madh, Ismail Kadare.
Në studion e lajmeve të “Ora News” ishte e ftuar shkrimtarja, Elsa Skënderi, për të folur për jetën e gjeniut të letrave.
“Si fillim Kadare i ka zhvilluar studimet e larta në Fakultetin e Historisë dhe Fililogjisë edhe në një pjesë të veprave të tij, shumë rrëfime që flasin për jetën studentore lidhen pikërisht me këtë godinë ku unë jam sot. Trishtimi sot dhe pezmatimi është i të gjithë shqiptarëve. Këto janë ditë zie.
Njerëzit e mëdhenj kanë vetëm ditëlindje, pavarësisht që fizikisht qenia njerëzore është e tillë që duhet të ndahet nga jeta, por në të vërtetë ajo vepër me përmasa të jashtëzakonshme që Kadare ka lënë pas është e tillë që nuk shuhet.”
/oranews
