Ndahet nga jeta mërgimtari Kërçovar nga Amerika. Bashkëshortja e kujton me shum dhimbje. Ngushllime familjes

U shua një jetë e re për familjen tonë. U bë terr sikur u fik dielli.
Zendel Imeri – Neli, papritmas e përfundoi garën e tij me jetën. Ndoshta jetoi shkurt, por jetoi bukur. Unë pata fatin të krijoj familje të mrekullueshme me të, frut i të cilës janë vajza jonë e bukur Ariela (9 vjeçe) dhe djali ynë trim Aldrini (6 vjeç).

Neli kishte shumë miq. Ishte burrë që i shikonte ndër sy njerëzit, sa herë fliste me ta. Ishte ambicioz për të arritur shumë, jo për vete por për të siguruar jetë më të mirë për familjen tonë. Shpesh herë, tingëllonte sikur të ishte shumë më i vjetër se vetëm 36 vjeç.

Koha do të duhet të bëjë shumë magji ta plotësojë boshllëkun në zemrën time dhe të fëmijëve, prindërve të tij Xhemës dhe Amdijes, motrave Nerkës dhe Bulenës dhe të gjithë të tjerëve që e njohën nga afër.

Ne sytë i kemi drejtuar nga qielli, dhe lutjet tona janë që shpirti i Nelit të pushojë në parajsë, kurse familja jonë e bukur të gjejë forcë ta përballojë këtë djimbje të madhe.
Nelin do ta kujtojmë përmes veprës së mirë që la pas, dhe rruga e tij e jetës isht e tillë që la shumë gjurmë.
Gjurmë që harresa nuk do të mund ti fshijë asnjëherë!

Përkushtimi im është ta nderoj emrin e Nelit, dhe të bëhem mbështetje për fëmijët dhe familjen, pasi dhimbjen vetëm bashkë do të mund ta përballojmë.
Vizita: E Diel, prej 4-8 PM te Xhamia në Berkeley
Varrimi: Ditën e Hënë te varrezat në Chicago në ora 2 PM

/ms