Kriza Ekonomike! Shqiptarët shkojn në det me ushqime nga shtëpia..?

Stina e verës është shumë e mirëpritur nga të gjithë, pos temperaturave të larta, kohës së bukur me diell, ditës së gjatë, por edhe për të kaluar pushimet verore. Gjatë tërë vitit shumica e dibranëve po punojnë dhe normal mendojnë se të paktën të pushojnë ca ditë kryesisht në bregdetin shqiptar por edhe në Greqi, Bullgari, Mal të Zi e vende të tjera.

Por, sivjet ndjehet një krizë që sa do pak ndikon edhe tek këta pushime edhe për ata që i kanë planifikuar se do t’i realizojnë. Llogaria nuk u del për tu ushqyer nëpër restorante andaj kanë vendosur që të marrin ushqim nga shtëpia.

Çmimet e larta që janë rrit kohën e fundit në çdo sferë e veçmas në artikujt ushqimor ka ndikuar shumë në ekonominë e dibranëve. Standardi i ulët i jetesës dikton edhe në pushimet verore. Këto ditë kanë filluar një pjesë e dibranëve të shkojnë në bregdetin shqiptar kryesisht në Durrës dhe Shëngjin.

Më së shumti janë të moshës së tretë, na që është koha më e përshtatme për shëndetin dhe moshën e tyre. Por, në bisedën që realizuam me disa familjar që shkonin në Shëngjin, thanë se edhe pse kanë bërë ca kursime për të bërë disa ditë pushim, kanë marr edhe çanta me ushqim me vete se nuk kanë mundësi që të hanë nëpër restorante.

Arbeni 43 vjeçar së bashku me familje udhëtoi drejt bregdetit shqiptar. Ai për gazetën KOHA tha se kriza e bën të vetën. “Por me aq sa kemi do bëjmë pushime e plazhe. Kemi marrë me vete nga shtëpia ushqimet që i hanë fëmijët e që mundi t’i përgatisim edhe atje. Ndër to kemi marrë ajvar, jufka, dhe disa ushqime që i kemi në shpi. Për pesë anëtarë nuk kamë mundësi që të hamë nëpër restorante.

Ndoshta ndonjë ditë të hamë jashtë në lokale apo restorante por jo tre herë në ditë”, thotë Arbeni i cili shton se me dy rroga nuk mundemi pesë anëtarë të kalojmë pushimet në mënyrë luksoze. Por si Arbeni ka shumë e shumë raste të tjerë të cilët i shohim me çanta përplot të mbushura me ushqime që sa do pak do t’ju ndihmoj në kursimet e parave për ato ditë që do t’i kalojnë në det. Këta familje kryesisht sistemohen nëpër banesa private ku ka edhe shporet të cilin e përdorin për të përgatitur.

Ka edhe të tillë që rezervojnë nëpër hotele me pansion të plotë e që se ndjejnë fare krizën. Një pjesë tjetër e dibranëve shkojnë në pushime verore edhe nëpërmjet agjencive turistike. Duke i ndjekur ofertat rezervojnë që në dimër kur janë çmimet shumë më lirë se sa tani në kohën e verës. Këta oferta kryesisht i shfrytëzojnë për pushimet në Turqi respektivisht Antali, Kushadasi etj.

Por edhe për në Egjipt, Spanjë e vende të tjera. Valmir. V. 34 vjeçar së bashku me bashkëshorte që në muajin shkurt kanë bërë rezervim për në Antali të Turqisë për në fund të qershorit. “Ishte një ofertë që na konvenonte për xhepin tonë dhe ja vlen për aq para”, thotë ai dhe shton se tani është dyfishuar çmimi me atë që ka rezervuar.
Përndryshe pjesa dërmuese e dibranëve kanë përzgjedhur dhe vendosur që pushimet t’i kalojnë në bregdetin shqiptar si në Shëngjin, Durrës, Sarandë, Vlorë, Dhërmi, Ksamil, etj, pasi që është shumë më afër.

/(koha.mk)