Përleshje mes emigrantëve në stacionin e trenit – kosovari 21-vjeçar në koma..!

Mbrëmjen e së dielës, një i ri u sulmua dhe u plagos rëndë nga një grup i madh në Bischofshofen të Austrisë
Të dielën në mbrëmje, një grup fillimisht i panjohur prej rreth dhjetë të rinjsh, sulmoi tre të rinj në platformën e trenit në Bischofshofen. Sipas policisë, të gjithë të përfshirë besohet se kanë një prejardhje migrimi.

Një shtetas 21-vjeçar kosovar ka mbetur i plagosur rëndë në kokë me shqelma dhe grushte, informon portali Shtegu. Të plagosurit rëndë, i shtrirë në tokë pa ndjenja, i është vjedhur portofoli. Dy viktimat e tjera kanë pësuar lëndime të lehta. Pas krimit, autorët u larguan drejt qendrës së qytetit Bischofshofen.

Viktima e plagosur rëndë fillimisht është përkujdesur nga një kalimtar rasti dhe më pas nga Kryqi i Kuq austriak dhe ekipi mjekësor i urgjencës nga helikopteri i shpëtimit “Martin 1”. Për shkak të dëmtimeve masive në kokë, viktima u fut në gjumë artificial dhe më pas u dërgua në Spitalin Shtetëror të Salzburgut. Hetimet e policisë janë duke vazhduar.

/shtegu