Lindita Purellku artiste e mirfilltë e estradës

E lindur në Kërçovë dhe e rritur në Shkup këngëtarja Lindita Purellku tani më i bën 37 vjet në skenë!
Zëri i saj i ëmbël dhe melankolik, diksioni i qartë ka bërë që të përfitojë një numër të konsiderueshëm të dashamirëve të këngës së bukur shqipe.

Angazhohet në moshë të re në SHKA “IBE PALIKUQI”, pastaj SHKA “EMIN DUKRAKU” duke dhënë maksimumin për t’u bërë një soliste e mirënjohur!
Merr pjesë koncerte, festivale mbrenda dhe jashtë shtetit!
Kënga e saj e parë dhe paraqitja në skenë është këngë për Shote Galicën në vitin 1987.

Vlerësohet me çmime të ndryshme si; festivali “Festi Popullor” çmimi këngëtarja më e mirë- çmimi i publikut, festivali “Zambaku i Prizrenit” vendi i dytë, festivali “Këngë Jeho” etj…
Ajo që të bie në sy këngëtarja Lindita Purellku sa herë që ka qenë e ftuar në Kërçovë dhe rethinë asnjëherë nuk ka munguar dhe ka qenë prezente në të gjithë eventet !

Bashkëpunimi i saj shum korekt! Ka berë duete me vëllezërit Ferit dhe Naser Lutfiu, vëllezërit Aziz dhe Dervishi Dervishi,
Bexhet Jagodinin, Hasan Limanin, Artan Jusufin, Uran Dervishin, e të tjerë si dhe jashtë Kërçovës me vëllezërit Afrim dhe Beqir Aliu, Miranda Hashanin, Arshik Miftarin, Qerim Hamidin…
Shkas për këtë shkrim është albumi më i ri me këngë dasme të cucave dhe nuseve kërçovare të cilat këndohen si i kanë kënduar nënat dhe gjyshet dhe stërgjyshet tona për të cilën Lindita Purellku ka gjurmuar dhe hulumtuar një kohë bukur të gjatë.

Në këtë album përfshihen këngët;
Krushkat, Moj shamej e kuqe shamej basëm, Nisu Lulie nisu, Bona temeno, Ani moj Lulie me synim e zi etj.
Lindita Purellku jep kontributin artistik duke raajtur vlerat, doket, zakonet dhe ritet kërçovare që kanë një histori unikate dhe janë pasuri kombëtare që i këndon me shumë entuziazëm dhe nostalgji.

Ajo ndihet mjaft me fat dhe e lumtur e shumë krenare që është kërçovare!
Mbarësi, shëndet, mirëqenie dhe suksese!
Shkruar nga Sadik Emroja.

/ms