Haxhilerët nga Kërçova sot jan në Arafat (FOTO)

Lutemi nga Arafati, për mbarësi, shëndet, paqe dhe begati për të gjithë besimtarët tanë
Sot, Haxhinjtë e Myftinisë së Kërçovës pas lindjes së diellit arritën në Kodrën e Mëshirës – Luginën e Arafatit.
Pas vendosjes nëpër tenda dhe pushimit të shkurtë, Haxhinjtë tanë, në krye me Myftiun Qamil ef. Rushiti, filluan programin pas drekës.

Në fillim prof. hfz. Arben Xhemaili lexoi pjesë nga Kurani Fisnik, më pas, Myftiu i Kërçovës, Qamil ef. Rushiti i përshëndeti të pranishmit, duke theksuar se Dita e Arafatit është dita kur Allahu i Madhërishëm nuk ia refuzon lutjen robit të Tij, dhe se ne si Mysafir të Allahut të Madhërishëm duhet t’a shfrytëzojmë këtë ditë me shumë lutje dhe adhurime.

Gjithashtu, paraqitje në gjuhën Maqedone kishte edhe imami i nderuar Emin ef. Alija, i cili përcolli mesazhe reflektimi dhe pendese për gabimet tona, duke shtjelluar thënien e Muhamedit a.s. se Haxhi është në Arafat.
Në fund të programit u bë edhe duaja e kësaj dite, për mirëqenie e shëndet, paqe, mirësi, begati, solidarizim për të gjithë besimtarët tanë.

FOTO:

/ms