Taravari: duhet të ndëshkohen funksionarët që kanë keqpërdorur pozitën..

Kryetari i Aleancës për Shqiptarët dhe një nga liderët e koalicionit VLEN, Arben Taravari në emisionin “Click Plus”, tha se Qeveria e re pritet të formohet nga 1 deri më 5 qershor.
“Unë besoj që formimi i Qeverisë të jetë nga 1 deri më 5 qershor. Konstituimi i Parlamentit përafërsisht parashihet që të jetë më 28 maj”, tha Taravari.

Sipas Taravarit, edhe ekipet punuese të dy koalicioneve duhet t’i konkretizojnë të gjitha gjërat, me ministri, me drejtori dhe me programin qeveritar, ndërsa në lidhje luftimin e korrupsionit, Taravari dha se çdo kush duhet të japë përgjegjësi.

“Ka funksionarë të LSDM-së, BDI-së, mund edhe të VMRO-së edhe ASH-së, Besës dhe Alternativës, të cilët nuk kanë udhëheq si duhet dhe duhet të dalin para drejtësisë. Këtu do të jetë beteja e pakompromistë. Ne nuk duam të përsëritet qeveria e vitit 2017, kur njerëzit prisnin që të ndëshkohen funksionaret që kanë keqpërdorur, dhe fatkeqësisht kishte revanshizëm ndaj funksionarëve të caktuar”, tha Taravari duke shtuar se tash duhet të funksionojë shteti i së drejtës.

Taravari theksoi se për plot funksionarë nga procedura në gjykatë që qëndrojnë nën sirtar.
“Ne do t’i inkurajojmë që të aktivizohen këto procedura dhe nëse vërtetohet se me të vërtetë kanë gabuar ose kanë keqpërdorur, duhet të ndëshkohen, për shkak se edhe qytetari e kërkon një gjë të tillë. Në qoftë se nuk e bën këtë qeveria e ardhshme, do ta ketë fatin e qeverisë së LSDM-së”, tha Taravari.

/infoshqip