Lufta e ashpër në terren mes VLEN dhe Frontit Evropain..!

Kur kanë mbetur dhe pak ditë në përfundim të fushatës parazgjedhore dy blloqet politike shqiptare VLEN dhe Fronti Evropian kanë shmangur tubimet e mëdha me simpatizantët e vetë duke iu drejtuar dhe kërkuar votën qytetarëve përmes takimeve të drejtpëdrejta në terren.

Të dy kampet kanë zgjedhur Tetovën për tubim qendror duke shpresuar ti bindin qytetarët për më shumë mandate deputetësh duke e ditur se njësia numrër 6 nxjerr më së shumti deputetë shqiptar se sa njësitë e tjera zgjedhore.

VLEN thirret kryesisht në votën shqiptare duke e kritikuar BDI-n se nuk e ka më legjitimitetin e shqiptarëve nga ajo se ka në koalicion parti tjera nga pakicat rome e turke.
Nga ana tjetër BDI thirret në epërsinë e votave të kandidatit të tyre për president Bujar Osmanit ndaj Arben Taravarit.

VLEN pikërisht këtë epërsi kërkon me të gjitha forcat ta zvogëlojë duke shpresuar në ardhjen e konsiderueshme të mërgatës për të votauar për ta dhe në rrjedhjen e votave nga Fronti tek VLEN. Kjo bëhet nga fakti se lideri i VMRO-së Hristijan Mickoski veç më u ka mbyllur derën BDI-ës duke deklaruar se nuk kanë besim as elementar për bashkëpunim me partinë e Ahmetit.

“Rregulli ‘fitues me fitues’, ose e ashtuquajtura Marrëveshja e Majit është shkelur nga vetë BDI në vitin 2017. Dhe po e përsëris, nuk duhet ta shohim politikën si masë suedeze. Nëse VMRO-DPMNE arrin shumicën në zgjedhje, nuk kemi besim as elementar për bashkëpunim me BDI-në, prandaj duhet të shkojnë në opozitë”, theksoi Mickoski, duke shtuar se ky parim ka marrë fund.

Ishte Izet Mexhiti që në intervistë në Sitel ka etiketuar BDI-në me udhëheqje të dyfishtë kur tha se partia e binomit Ahmeti-Grubi ikën në opozitë dhe kjo rrugë është e pakthyeshme. Mexhiti poashtu vuri theksin tek eskluziviteti i thirrjes në votën shqiptare dhe sipas tij do të jetë VLEN që do t’i përfaqësojë interesat e shqiptarëve në Qeverinë e re që do të del pas zgjedhjeve parlamentare.

Sipas informatave që vijnë nga disa eksponetë të VLEN nga disa rajone si ajo i Likovës, Haraçinës Studeniçanit flitet se shumë nga ata që kanë votuar Fronton Evropian në zgjedhjet presidenciale iu kanë paraqitur vetë se në parlamentaret do të votojnë për VLEN. Deri ditën e zgjedhjeve do të dihet nëse vërtet do të ketë rrjedhje votash nga njëri në tjetrin taborr politik.

Nga ana tjetër BDI nga Fronti Evropian ka përveshur krahët tek takimet derë më derë me elektoratin e vetë duke shpresuar ta mbajë të bashkuar deri më 8 maj ditën e votimit. Kjo pasi BDI po shmang takimet e përbashkëta me romët dhe turqit duke marrë kritika të vazhdueshme nga VLEN.

Ali Ahmeti duke pasur pas vete një garniturë kompkte në terren në tubimin e fundit deklaroi se asnj Front në këtë rast politik nuk do të njeh humbje. “Fronti Europian është dhe do të mbetet një ortek i cili do të vërshoj gjithçka përpara deri në arritjen e synimit kryesor, anëtarësimin e Republikës së Maqedonisë së Veriut në Bashkimin Europian”, ka thënë Ahmeti. Ai duke duke qenë i bindur se dë do të ketë epërsi të madhe ndaj VLEN si në vota dhe mandate deputetësh i kujtoi simapatizantëve se edhe Zaev para shume vieteve tha se BDI do të kalojë në opozitë por më pas u ulë e dialogoi me të për ndarjen e pushtetit.

Mbetet të shihet nëse kjo matematikë do të përsëritet por duket mision i pamundur. Kjo nga fakti se VMRO pritet të ketë një epërsi përsëri të mdhe ndaj LSDM-së së cilës i kanë rrjedhur mbi 80 mijë vota tek partia e Maksim Dimitrievskit.

Ky i fundit ka pozicionuar veten dhe subjektin e tij politik drejt VMRO-së dhe VLEN dhe me gjasë mund të shkojnë së bashki deri në 77 deputet bazuar në matematikat e rezultateve të zgjedhjeve presidenciale dhe nëse do të ruhet kjo votë deri më 8 maj.

/(INA)