Kërkohet mobilizim maksimal i diasporës këto zgjedhje..(VIDEO)

Të nderuar bashkatdhetarë,
Lidhja e Diasporës së Bashkuar Kërçovare, në mbledhjen e Kryesisë, mbajtur më 24 mars 2024, me përfaqësues nga Zvicra, Gjermania, Austria, Franca dhe Italia, vendosi t’i bëjë thirrje Diasporës në përgjithësi dhe asaj Kërçovare në veçanti që në zgjedhjet e ardhshme presidenciale dhe parlamentare në Maqedoninë e Veriut, të ndihmojnë Vendlindjen duke marrë pjesë në zgjedhje, në Vendlindje.

Zgjedhjet që vijnë vlerësohen shumë të rëndësishme dhe historike prandaj është detyrë e Diasporës t’i përgjigjet pozitivisht kësaj thirrjeje.
Është në interes të Diasporës por edhe kërkesë e Vendlindjes që Diaspora të jetë më aktive në Vendlindje dhe të ushtrojë të drejtën e votës jo vetëm në këto por edhe në zgjedhjet e ardhshme.

Është në të mirë të Diasporës që të marrë pjesë në vendimmarrje të rëndësishme për të ardhmen e saj dhe të Vendlindjes siç janë zgjedhjet.
Kjo është edhe mënyra më e mirë për të mbajtur gjallë lidhjet me vendin tonë dhe të ndihmojmë Vendlindjen.

Lidhja e Diasporës së Bashkuar Kërçovare, në përputhje me parimet dhe përcaktimet e saj statutore mbështet të gjitha përpjekjet për bashkim dhe bashkërendim forcash dhe energjish në dobi të Diasporës dhe Vendlindjes. Pjesëmarrja në jetën aktive në Vendlindje, pra edhe në zgjedhjet e ardhshme përputhet plotësiht me parimet e Lidhjes .

Lidhja e Diasporës së Bashkuar Kërçovare mbështet dhe inkurajon të gjitha forcat e gjalla dhe organizimet që shkojnë në drejtim të zgjimit të vetëdijes së Diasporës për rëndësinë e pjesëmarrjes në këto zgjedhje.

Diaspora nuk do të lejojë që për ne të vendosin të tjerët.
Pra, vendlindja kërkon që Diaspora të shkojë të votojë në Vendlindje dhe është detyra jonë që t’i përgjigjemi pozitivisht !
🇦🇱🇨🇭🇦🇹🇧🇪🇩🇪🇮🇹🇫🇷

VIDEO:

/ms