Ali Ahmeti bashkon Menduh Thaçin dhe Ziadin Selën..!
Sonte në Gostivar u nënshkrua marrëveshja e koalicionit midis kryetarit të Bashkimit Demokratik për Integrim Ali Ahmeti dhe kryetarit të Aleancës për Shqiptarët Ziadin Sela.
Me hedhjen e nënshkrimeve ASH-ja e Selës edhe zyrtarisht u bë pjesë e Frontit Europian, një nismë kjo e kreut të integristëve, për të bërë bashkë në një koalicion të madh disa parti, nën moton “Jo Rusisë, Po Europës”.
Për Front Europian, Ahmeti tashmë ka firmosur marrëveshje koalicioni edhe me kryetarin e Lëvizjes Populli Skender Rexhepi, me atë të PDSH-së Menduh Thaçi dhe me kreun e PDE-së Arjanit Hoxha.
Po ashtu marrëveshje janë firmosur edhe me parti të komuniteteve më të vogla, si me Unionin e Romëve, me Partinë Demokratike Turke dhe me Lëvizjen e Turqve të Maqedonisë për Drejtësi dhe Demokraci. Pritet që një koalicion i këtillë të lidhet edhe me njërën prej partive boshnjake.
/tv21
