Çka i ndodh zemrës gjatë agjërimit..?

Kardiologu Dennis Bruemmer ka thënë se sheh shumë përparësi të agjërimit në periudha të shkurtra, shkruan blogu “Clevelandclinic”.
Dhe sipas tij, duke i pasur parasysh mekanizmat e brendshme të organizmit, reduktimi i ushqimit për një periudhë të caktuar ditore bën që mekanizmat e pastrimit të organizohen.

Hulumtimet tregojnë se agjërimi mund të ndihmojë në uljen e presionit të gjakut, uljen e kolesterolit, kontrollin e diabetit dhe uljen e peshës.

“Katër rreziqet kryesore për sëmundjet e zemrës janë presioni i lartë i gjakut dhe kolesteroli, diabeti dhe pesha, kështu që ka një ndikim dytësor. Nëse i reduktojmë këto, mund të zvogëlojmë rrezikun e sëmundjeve të zemrës”, ka thënë doktori Breummer.

Megjithatë, ai ka rekomanduar që në periudhat kur ushqehemi, të konsumojmë me masë dhe t’i marrim vitaminat dhe karbohidratet e duhura, që organizimi të ketë balancim.
Pos shëndetit të zemrës, agjërimi është konsideruar i mirë edhe për luftimin e kancerit dhe humbjen e peshës.

/alsatm