Burek King” shpreson të dalë fitues në procesin gjyqësor me “Burger King” (VIDEO)
Fatmir Mehmedia, pronar i Burek King, ka folur për betejën ligjore që kanë nisur me Burger King për shkak të emrit të përafërt të këtij biznesi.
Ai, në Kosova Today në Klan Kosova, ka theksuar se shpresojnë të dalin fitues në këtë proces gjyqësor që janë.
“Kemi pasur shumë përkrahje që kanë dalë në media dhe rrjete sociale, po e vërejmë se njerëzit po na përkrahin, në fakt ka qenë një reklamë e mirë për ne. Si Burek King ne ekzistojmë afër tri vjet e gjysmë, inspirim për ne ka qenë ky emër pasi edhe më herët kemi dëgjuar për një gjë të tillë, ishte një biznes tjetër që kishte një emër Burek King dhe nga kjo morëm frymëzim që të marrim edhe ne këtë emër”.
“Jemi të parët prej bizneseve që e kemi këtë emër. Ndoshta se edhe jemi rritur shumë i kemi bërë gjashtë pika, në javën e ardhshme do të hapim edhe pikën e shtatë. Nuk e di a na kanë frikën, ne nuk mundemi të shtyhemi me ata, janë një firmë botërore, është qesharake që ne të merremi me ata. Shpresoj të dalë fitues dhe jam shumë optimist, megjithatë tingëllon si njëjtë, ne i themi vetes king për burek”, ka thënë Mehmedia.
VIDEO:
/Klankosova.tv
