Myftinia e BFI – Kërçovë: Shënimi i Natës së Israsë dhe Miraxhit..

Dje, pas namazit të Jacisë, në Xhaminë qëndrore të qytetit “Sulltan Bejazit”, Myftinia e Kërçovës shënoi Natën e Israsë dhe Miraxhit.
Nikoqiri i këtij aktivitite, Myftiu Qamil ef. Rushiti,pas leximit të Kuranit Famëlartë, falenderoi imamët dhe Këshillin e Xhamisë, përshëndeti të pranishmit dhe e shpalli të hapur aktivitetin duke theksuar se Israja dhe Miraxhi ndodhën atëherë kur Muhamedi a.s. përjetonte një situatë të rëndë.

Më pas, për të elaboruar mesazhet e Israsë dhe Miraxhit, kishim kënaqësinë të dëgjonim dy imamë; Qamil ef. Ramadani në gjuhën shqipe dhe Reshat ef. Bilbil në gjuhën maqedone.

Aktiviteti përmbante edhe pjesë të Mevludit dhe Ilahive të lexuara nga imamët e respektuar dhe kori i Myftinisë.
Allahu i Madhrishëm i shpërbleftë të gjithë.