Lidhja e Diasporës së Bashkuar Kërçovare në përkrahje të Areben Taravarit

Lidhja e Diasporës së Bashkuar Kërçovare, në përputhje me përcaktimet dhe detyrat statutore i drejtohet, Diasporës Këçovare në veçanti, Diasporës Shqiptare në përgjithësi dhe bashkëvendësve në Vendlindje, me një thirrje për angazhim dhe bashkëpunim ma qëllim që të ndikojmë pozitivisht në zhvillimet e tanishme në Vendlindje dhe trojet shqiptare në Maqedoninë e Veriut.

Si rezultat i përfaqësimit të keq të interesave shqiptare nga ana e përfaqësimit politik shqiptar në Qeveri dhe në institucionet tjera shtetërore dhe i mos përfaqësimit në të shumtën e rasteve, situata e shqiptarëve është shumë e vështirë me pasoja katastrofike.

Përfaqësimi i korruptuar prej më se dy dekadash solli këto rezultate:
– Në Vendlindje na mbysin plehrat,
– Na turren qentë endacakë nëpër rrugë,
– Na mbysin tymrat e paflitruar që dalin nga oxhaqet e fabrikave,
– Në shumë vendbanime shqiptare mungon edhe uji i pijshëm,
– Në viset e banuara nga shqiptarët shteti i RMV zhvillon ekocid.

Shëndetësia dhe Arsimi janë të një cilësie shumë të ulët si rezultat i mungesës së investimeve dhe ndërhyrjet e Partisë në sholla dhe spitale,
– Shqiptarëve u mohohet e drejta të mësojnë në gjuhën shqipe,
– Profesionalizmi i institucioneve dhe administratave është inekzistent,
– Institucionet dhe administratat publike keqtrajtojnë shqiptarët,
– Klimë dhe lehtësime për investime, sidomos, nga Diaspora nuk ka,
– Investime kapitale në viset shqiptare nuk ka,
– Shpërndarje të barabartë të buxhetit nuk ka,
– Në shumë vise shqiptare nuk ka infrastukturë rrugore dhe energjetike,
– Në viset shqiptare plane urbanistike nuk ka.

– Shumica e familjeve shqiptare jetojnë në skamje dhe varfëri.
Trojet tona etnike po zbrazen, në vazhdimësi, që nga vietet 90-të të shekullit – për të marrë përmasa të një egsodi kohët e fundit.
Ndërsa përrallat e kryeministrave me zero kompetenca dhe pa rol të definuar drejtues janë hedhje hi syve të shqiptarëve dhe mashrtim i rradhës .

Kjo gjendje e rëndë politike, ekonomike, shoqërore dhe shpirtërore në Vendlindje, nuk mund dhe Diaspora bashkë me bashkëvendësit nuk duhet ta lejojnë të vazhdojë edhe më tutje.
Kjo gjendje duhet të ndryshohet. Por këtë ndryshim nuk mund ta sjellin partitë shqiptare në Qeveri. Këtë ndryshim mund ta sjellin vetëm partitë që veprojnë në opozitë dhe mundësisht në një opozitë të bashkuar shqiptare. Sot për sot këtë punë, i bashkuar, e bën Fronti Opozitar me shpresën se do t’i bashkohet edhe ndonjë forcë tjetër politike.

Forcat dhe energjitë, tani duhet të bashkohen me Frontin që të vijë ndryshimi. Si për çdo organizim ashtu edhe për Frontin mund të ketë vërejtje, për disa personalitete që kanë qenë bartës të përgjegjësive të larta shtetërore në kuadër të BDI-së dhe nuk i kanë vërejtur me kohë devijimet madhore të saj. I vërejtën më vonë. Më mirë vonë se kurrë ! Asnjëherë nuk është vonë për ndryshime. Si të gjithë edhe ata, gjatë punës së tyre, mund të kenë bërë gabime. Por mjafton që ato gabime mos të kenë qenë të qëllimshme, d.m.th. faje. Dhe tani t’ua japim rastin atyre dhe Frontit që të punojë në të mirë të shqiptarëve në veçanti dhe shoqërisë në përgjithësi.

Sepse duke mos përkrahur Frontin i çojmë përkrahje Partisë e cila është përgjegjëse për gjendjen tonë shumë të vështirë.
Lidhja e Diasporës së Bashkuar Kërçovare përshëndet dhe përkrah qëndrimin korrekt dhe konstruktiv të Kryetarit të Aleancës për Shqiptarët Arben Taravari dhe mbështetjen që ai u jep ndryshimeve dhe Frontit Opozitar.

Të ndodhur në këto rrethana, Lidhja i bën thirrje Diasporës të punojë për organizimin e udhëtimit drejt Vendlindjes dhe më 8 maj të votojë ndryshimin dhe të mandatojë Frontin Opozitar që ta bëjë atë realitet.

Bashkëvendësve në Vendlindje u bën ftesë që të bashkohen me Frontin Opozitar pavarësisht a refuzon të bashkohet ndonjë parti me Frontin për ndryshim. Mjafton të bashkohen votat në koshin për ndryshim.

Lidhja gjithashtu u bën ftesë krijuesve të opinionit-intelektualëve dhe të gjitha forcave të gjalla-konstruktive që të marrin guximin dhe t’u bashkohen ndryshimeve me fjalë dhe me vepra !
Për LDBK, Datë 4 Shkurt 2024
Milaim Ziberi

/ms