Kush po e ndërton parkun madhështor në Zajaz..? (VIDEO)
Ajo do të ndërtohet me para të komunës dhe shtetit, ndërsa kontraktues është kompania e mikut të liderit të BDI-së, Ali Ahmetit. Dokumentet e mbledhura nga IRL tregojnë se qeveria ndau lehtësisht gjysmë milioni euro për një projekt të shkruar në gjysmë faqe, me shpjegime absurde dhe shumë shkronja të shkruara gabim. Kryebashkiaku Fatmir Dehari thotë se propozimi ka qenë nga banorët, por banorët thonë se nuk duan park, por akses në shërbimet elementare si rrugë, ujë, kanalizim dhe spital.
Kjo video është pjesë e projektit IRL “Mobile Newsroom” në gjuhën maqedonie.
Ekipi i IRL vendosi të ndërhyjë në zonat ku nuk ka media ose ku janë nën presion dhe ku qytetarët nuk mund të marrin zërin për problemet e tyre në sferën e qeverisjes së mirë.
Për të qenë në gjendje të integrojmë plotësisht dhe të kuptojmë në thellësi banorët, sfidat, shqetësimet dhe betejat e tyre, katër vjet më parë ekipi ynë fillimisht e zhvendosi redaksinë në Ohër, pastaj në Kriva Pallankë dhe në vitin 2023 shpenzuam më shumë se një muaj në Kërçovë ku me ndihmën e kërçovarëve kemi hetuar keqpërdorimet lokale që kanë pasoja kombëtare thonë nga IRL Maqedoni.
VIDEO:
/IRL
