Kush do i prijë listave nga BDI, kalkulohen emra..?!

Edhe pak muaj para zgjedhjeve të majit në Maqedoninë, në radhët e partive politike po kalkulohen emra dhe po zhvillohen anketa brendapartiake. Në Bashkimin Demokratik për Integrim (BDI) po ashtu po bëhen kalkulime dhe po qarkullojnë emra.

Siç mëson INA, brenda strukturave po analizohen emra, por gjithçka do finalizohet nga kreu i kësaj partie, Ali Ahmeti. Në kuadër të kalkulimeve pritet të ketë emra nga jashtë strukturave partiake.

Jozyrtarisht po qarkullojnë emra kandidatësh për ti prirë listave. Sipas zërave brendapartiake për INA, në njësinë 1 po përmenden Bujar Osmani, Bekim Rexhepi, Arben Ziberi dhe emra tjerë.

Në njësinë 2 po kalkulohen emrat e Arbër Ademi, Ilir Hasani, Erkan Arifi, Shkodrane Dardhishta, por edhe emra tjerë si profesorë universitar.
Në njësinë e tretë sërish do garoj BDI dhe si kandidat bartës përmendet Artan Grubi.

Njësisë së pestë si emra bartës përmenden ministrat aktual Talat Xhaferi, Jeton Shaqir, Kreshnik Bekteshi, por kalkulohen edhe emra tjerë nga degët.

Ndërsa njësisë gjashtë do ti prijë lideri i BDIsë, Ali Ahmeti, pas tij radhitet Faton Ameti si kryetar i degës në Tetovë, Valdet Xhaferi nga Gostivari, Arta Bilalli-Zendeli si dhe emra tjerë. Këto emra janë pjesë e kalkulimeve dhe zërave brendapartiake, por gjithçka mbetet jozyrtare deri në nominimet që do i bëjnë strukturat partiake.

/ts