Gjimnazi Drita: I dashuri kolegu ynë i shtrenjtë Shkëmbim!

E nderuara familja Xhambazi
Te nderuar banore te Cervices
Të dashur nxënës,
I dashuri kolegu ynë i shtrenjtë Shkëmbim!

Fatet e njerëzve janë të ndryshme ndërsa secili nga ne është i detyruar që të përjetojë ngritjet dhe rëniet në jetë bashkë me ëmbëlsinë dhe hidhërimin që na sjell ajo.
Sot, dita gdhin më e rënduar nga të zakonshmet pasi Zoti i Madhërishëm na vë në sprovë që të përjetojmë çastin e ndarjes nga biri ynë, kolegu i çmuar profesori i respektuar Shkëmbimi, ndaj është e pashmangshme që ta përjetojmë këtë hidhësi, sado që përpjekjet për ta shijuar jetën janë të pareshtura!

Prandaj Shkëmbimi, në kujtesën tonë, në kujtesën e nxënësve, në kujtesën e të gjithëve do të mbetet kujtimi i ëmbël që na kthente çdoherë buzëqeshjen në buzë sa herë që jeta na sfidonte me hidhërime të çdo Iloji.
Shkëmbimi do të mbetet kujtimi i përjetshëm i profesorit fisnik, kolegut të çmuar, prindit shembullor, bashkëfshatarit të devotshëm.

Ai, iku të prehet në kopshtin e përjetësisë duke marrë me vete edhe buzëqeshjen e tij të çiltër, e cila do të na mungojë në çdo çast kur të na vijë ndërmend vepra e tij…
Rruga e jetës është e gjatë dhe me shumë mundime, por vepra që lëmë pas është ajo që na skalit në kujtesën e brezave që vijnë.

Po këtë udhë ndoqi edhe kolegu, profesori, miku dhe biri ynë Shkëmbimi, të cilin fati i jetës na e mori në çastin kur më së shumti na duhej.
Prandaj ne, të gjithë i lutemi Zotit të Madhërishëm që shpirti i Tij fisnik të prehet në xhenet dhe të pushojë i qetë në përjetësi dhe amshim.

Prehu i qetë në tokën e vendlindjes kolegu ynë Shkëmbim Xhambazi!
Të qoftë toka e lehtë!
Shkolla e Mesme Komunale “ DRITA” – Kërçovë

/ms