“U përpoqëm shumë, por nuk arritëm ta përfundojmë autostradën Kërçovë – Ohër” – tha Rustemi..

Drejtori i Ndërmarrjes Publike Rrugë Shtetërore, Ejup Rustemi në ngjarjen ku tregoi llogaridhënien vjetore, është ndalur në autostradën Kërçovë – Ohër, projekt i cili ka një dekadë që realizohet dhe assesi të përfundojë, transmeton TV21.

Rustemi tha se u përpoqën shumë, por përfundimi nuk është arritur për shkak të paraqitjes së rrëshqitjeve të reja të dheut.
“Edhe pas të gjitha përpjekjeve tona dhe angazhimeve tona ndaj realizuesit të punimeve.

Nuk arritëm të përfundojmë këtë projekt shumë të rëndësishëm si pjesë e Korridorit 8, për shkak të rrëshqitjeve të dheut”, tha Rustemi. Më tej tha se është përgatitur edhe revizion dhe do të shqyrtohet në seancën e radhës të Qeverisë.

/tv21