Ja si të përgadisni Trileçe..

E famshmja trileçe, për shkak të tri llojeve të qumështit që përmban. Hidhini një sy recetës dhe filloni ta përgatisni vetë, hap pas hapi…
Përbërësit
400 ml krem qumështi (krem pana)
8 kokrra vezë
1 l qumësht
8 lugë gjellë sheqer
8 lugë miell
350 qumësht i kondesuar (qumësht panda)
350 ml karamel.

Udhëzimet
Në një tas vendosim 8 vezë të plota. Fillojmë të rrahim ato duke shtuar pak kripë dhe gradualisht gjatë rrahjes pak nga pak 8 lugë gjelle sheqer.
I rrahim deri sa volumi i vezëve rritet. Më pas me ndihmën e një site shtojmë gradualisht miellin. Trazojeni me tel dore.

Vendosim në tepsi një letër pjekjeje dhe niveloni brumin e përgatitur. Vendosim tavën në furrë në temperaturën 170ºc për 40 minuta.
Përgatisim kremin me qumësht, pana dhe qumështin e kondensuar.

Në një enë tresim qumështin e kondensuar me qumështin duke e përzier me tel dore. Më pas shtojmë kremin pana dhe e përziejmë përsëri ngadalë me tel dore.
Pasi e nxjerrim bazën e trileçes nga furra, e lëmë të ftohet pak. E kthejmë pandispanjën nga ana tjetër që të jetë e sheshtë.

I bëjmë disa shpime me një shkop shishqebapi me qëllim që të përthithë kremin me 3 lloje qumështi.
Shtojmë në fund kremin dhe e lëmë deri sa baza të ketë përthithur mirë. Në fund e mbulojmë sipërfaqen me karamel dhe e vendosim në frigorifer që të ftohet.
Ju bëftë mirë!

/zhurnal