Çfarë bën o Fatmir Besimi..?!
600 mjekë specializantë edhe pak ditë do të ngelen në rrugë, e faji për këtë ka adresë. Ai është Fatmir Besimi dhe ministria e Financave.
Ky ministër i përjetshëm që shijoi për gati 20 vjet çdo pushtet e thuajse çdo kolltuk ministror!
Porosinë i’a çoi dje specialistja e neurokirurgjisë, Elmedina Asani, e cila tha se do mbetet në rrugë nëse nuk zgjidhet fati i saj dhe Ministria e Financave nuk gjen zgjidhje për zgjidhjen e fatit të punësimit të thuajse gjithë atyre specializantëve, që për fat të keq shteti me zor do t’i përzë!
Fati i tyre lidhet me nënshkrimin e Fatmir Besimit, i cili e ka rahatuar veten duke siguruar të ardhura të majme me rritjen e rrogës së tij dhe të kolegëve për rreth 80% apo mbi 3 mijë euro të thata.
Por në gjendje të mjerueshme janë edhe qindra kuadro të punësuar në universitetet shtetërore, sidomos ata në Universitetin e Tetovës, ku për dekada nuk po u zgjidhet fati i tyre, e pritjet ishin sidomos nga ky ministër që vjen pikërisht nga Tetova e universiteteve dhe duhet t’a bëj veprimin e duhur që duhet mbajtur mend!
Fatin e njejtë po e përjetojnë edhe qindra administratorë që përdoren mish për top për çdo zgjedhje e ndërrim pushtetesh. Ata me vite po presin zgjidhjen e statusit të tyre të punës.
Edhe disa fjalë për ministrin e përjetshëm!
Shtrohen dilemat pse ky njeri ishte në çdo garniturë qeveritare?!
Ministri që ka ndërruar thuajse gjysmën e kolltuqeve qeveritare duke nisur nga Kabineti i Cërvenkovskit, Buçkovskit, Gruevskit, Zaevit e deri tek Kovaçevski.
A e mban dikush se çka ka bërë diçka që do mbahet mend dhe cilat janë arritjet e tij. Unë se kam idenë?!
Është koha që ai të lë ndonjë vepër me dinjitet, të ikë me fytyrë të bardhë duke zgjidhur fatin e kësaj plejade të re të trurit të vendit, apo do t’i përzë, dhe do ngelet i mallkuar dhe shumë nëna e fëmijë!
Shkruan: Naser Pajaziti
/ts
