Zvicër: Shoferi gjobitet pasi goditi dy vajza me xhamat e ngrir..

Një shofer është gjobitur me më shumë se 4000 CHF për goditjen e dy vajzave në një vendkalim, sepse nuk i kishte parë.
Ai pranoi në polici se nuk e kishte pastruar mjaftueshëm akullin nga xhami i përparmë atë mëngjes.

Ngjarja ndodhi shkurtin e kaluar në Lozanë, shkruajnë mediat zvicerane, përcjell albinfo.ch.
50-vjeçari ishte vetëm disa qindra metra larg shtëpisë së tij. Ai tha se ishte vonë në punë.

Njëra prej vajzave u shtrua në spital për dy ditë me lëndime në kokë. Tjetra ka pësuar një dëmtim të lehtë në këmbë.
Policia u kujton drejtuesve të mjeteve se para nisjes duhet të pastrohen të gjithë xhamat.

/albinfo