In Memoriam për Rushit Ajron Nga Ilaz Kadriu
Dje më 5 dhjetor, 2023 Komuniteti Shqiptar në Chicago humbi njeriun humanist, njeriun familjar, njeriun shok, njeriun kombëtar, njeriun e sjellshëm dhe të urtë të familjes së madhe në Kërcovë dhe në Amerikë : Rushit Faik Ajroja.
Tani më dhimbja e madhe nga familja e madhe është shpërndarë edhe në dhimbje të përgjithshme në tërë komunitetin shqiptar.
Shumë njerëz jetojnë për të vdekur një ditë, kurse Rushiti vdiq për të jetuar përgjithmonë në kujtimet tona.
Kompania TBS ka qenë dhe është çerdhe e organizimeve kombëtare që moti nga koha e xha Faikut dhe më vonë në kohën e Rushitit, por, tani do të vazhdojë të njejtën gjë, por pa prezencën e njeriut që në Tbs na mbante gjallë.
Njerëzit e mirë lindin, zhvillohen, dhe ikin për tu përmendur gjatë kohë !
Ne të gjithë do të lutemi që shpirti i tij të shkojë në lartësitë qiellore të universit !
Ilaz Kadriu
Chicago
/ms
