Vdekjet e Liridonës dhe Vanjës që tmerruan një rajon..

Ka nisur të bëhet ftohtë.Vrasësit kanë dalë nga strofka e tyre dhe kërkojnë gjak.Kësaj here zgjodhën dy vajza të gjora ,të pambrojtura që smundën të bëjnë as rezistencën më të vogël nga ata gjakpirës që shëtisin të lirë dhe i kemi kudo.Mjafton një çast dhe bisha brenda tyre zgjohet me pasojat fatale më pas.

Kush janë vrasësit tjerë që do çjerrin maskat nesër,këtë nuk e di askush nga ne.Ndoshta pijmë kafe çdo ditë me ta, ndoshta i kemi para syve por nuk e dijmë saktë kush janë në të vërtetë.Liridona e kishte 13 vjet në jetën e saj , ndërsa Vanja e thirrte me dashuri të pafund BABA.
Sa afër i kishin xhelatët dhe nuk dinin gjë.

Dy femra të vrara nga dora gjakatare e meshkujve që deshën të tregojnë forcë, gjak e krim ndaj të dobtëve, heshti një rajon.
Njerëzit si kurrë më parë shfaqën mllefin ndaj këtyre monstrave që nuk kanë as komb,as fe, as mëshirë.
Dikush paguajti me çmimin e jetës të tjerët mallkuan me mllefin ndaj fytyrave të krimit .

Liridona ashtu si Vanja,u larguan nga kjo botë mizore nga disa kriminelë që nuk e kanë llojin askund.
Dy shpirtëra të lirë ,të pafajshëm paguan një çmim të lartë .Pastaj ra heshtja .
Në njërin akt ishte burri, në tjetrin babai që në terma tjerë quhen të dyshuarit kryesorë por që në fakt del të jenë skenaristët e këtyre krimeve makabër.

Të dyja këto ngjarje me shumë protagonistë kishin një emërues të përbashkët-lakminë për para që u paguan me çmimin e dy jetëve të njoma ,në fakt ishin tre përfshirë edhe 74 vjeçarin .

Një javë që nisi kaq zemër vrarë për çdokënd që shprehu mllefin ndaj psikopatëve të krimit që i kemi kudo rrotull nesh ,janë shumë.
Shokët e Vanjës së njomë ndezën qirinj të mbytur nga lotët .

Për Liridonën akoma më keq sepse në një tjetër varr do shkonte trupi i saj duke lënë një zemër nëne të ndarë në dysh nga dhimbja. Një dorë vrasëse me urdhër ia bëri copë jetën.Por Liridona tani do gjejë qetësinë atje tek varrezat e lindjes sepse herën e parë ku u varros,ishte një tokë e akullt që kishte lindur një njeri që ia morri jetën .

Liridona dhe Vanja nuk janë më sepse dikush nuk i deshti të jetonin.Ato tani ndodhen në qiell sepse në Tokën e mallkuar që lind vrasës të tillë ndodhemi ne që kushedi se cili do ta ketë rradhën apo fatin e tyre.
Shkruan Urim Saliu-Tetovasot

/ts