“Merko mund të jetë i qetë deri në zgjedhjet e pranverës”..!

Nuk duhet pritur që para zgjedhjeve të pranverës të ketë epilog gjyqësor ndaj kryetarit të komunës së Strugës, Ramiz Merko. Kështu mendon Dimitar Nikollovski, drejtor ekzekutiv i Qendrës për strategji evropiane “Eurothink”. Sipas tij, zgjedhjet dhe negociatat për koalicione të mundshme tani janë më të rëndësishme për partitë.

“Ne e dimë që po afrojnë zgjedhjet dhe se aktualisht bëhen koalicione parazgjedhore dhe ka shumë kalkulime. Për ata që ka pasur raste më të mëdha të keqpërdorime, kanë fituar në zgjedhje. Nuk është në interes të autoriteteve që t’i ndjekin penalisht”, tha Dimitar Nikollovski, drejtor ekzekutiv i “Eurothink”.

Rreth 5 muaj më Merko hyri në listën e zezë amerikane për shkak të dyshimeve për korrupsion dhe ndërhyrje në drejtësi.
“Efikasiteti i këtij sektori del në pah edhe këtë herë. Së pari, institucionet vendase theksuan se ai ka bërë gjëra që nuk lejohen. Është në listën e zezë nga një vend i huaj dhe alarm më i lartë se ky çfarë mund të jetë?”, u shpreh Biljana Ivanovska, kryetare e KSHPK.

Kundër Ramiz Merkos aktive janë 16 raste gjyqësore.
“E lejueshme apo e palejueshme, ia lëmë publikut të gjykojë. Gjyqësori ynë është në situatë të tillë dhe e dimë se e ka besimin më të ulët tek qytetarët. Ata ndoshta ose janë të stërmbushur me gjëra ose nuk kanë guxim të veprojnë në këtë mënyrë”, deklaroi Dimitar Nikolovski, drejtor ekzekutiv i “Eurothink”.

Gjithsej 30 raste janë hapur kundër Merkos nga viti 2006 deri në 2023. Por 14 prej tyre tashmë janë të vjetruara. Kurse 16 lëndët e mbetur, me ndryshimet e fundit në Kodin Penal, gjithashtu mund të mos procedohen gjegjësisht të vjetërsohen.

/Alsat.mk