Kërçovarët nga Amerika festuan 28 Nëntorin (FOTO)

Të dashur miq, të dashur bashkëkombas nga të gjitha trojet Shqiptare,
Nëntori na sjell ethe të cilat nuk përshkruhen me fjalë, pa i ndjerë në lëkurë.
Ethet e Festës së Flamurit, mbrëmë u shtuan nga salla e mbushur plot me Shqiptarë, të cilët u mirëpritën nga Lorina Rushiti, një zonjushë që mbretëronte skenën, duke udhëhequr programin me shumë dashuri.

Salla e mbushur plot pati kënaqësinë të shijojë me gjashtë ndjenja interpretimin e himnit nga motrat Baftiri. Vajzat e zaptuan skenën, dhe e shënuan këtë përvjetor me shumë madhështi, edhe pse të vogla me shtat.

Kur menduam se zemra na u mbush sa nuk kishte më vend për tjetër gjë, filluan e u shpërndanë gjithandej ata zanat e vogla me veshjet kombëtare. Përmes veshjeve të tyre, dëshmuam se sa pasion kanë ata prindër për ta mbajtur gjallë traditën tonë.

Flamuri e zbukuroi skenën të cilën më pas e mori në dorë zanatçiu i vjetër, Aleksandër Gjelaj, të cilin nga mbrëmë do ta llogarisim si Kërçovarë. Mbi të gjitha, na argëtoi pa na gjykuar që iu afruam e ia bëmë skenën konak burrash në një moment.

Familjet u mblodhën bashkë, miqt u takuan, fëmijët krijuan shokë të ri, ata të vjetrit u çmallën me njëri tjetrin dhe në fund u ndamë me urimet që vitin e ardhshëm të takohemi përsëri, e të festojmë më mirë.
Si do bëheshte kjo festë më e mirë, e dimë gjithë ne.

Prandaj të vazhdojmë ti mbajmë traditat, zakonet, miqësitë, dhe të festojmë arritjet e reja, duke punuar që një ditë të kemi një festë e një flamur, pasi jemi një komb!
Bashkë! 🇦🇱❤️🇽🇰
Faleminderit të gjithëve!!!
– Shoqata Uskana

FOTO:

/ms