Keqpërdorim i fëmijëve, për qëllime politike.. Nga Fatmir Limani

Partia me pretendim-zhvillim të konceptit qytetar ngatërron psallmet dhe rrëshqit në realitetin e gatimit origjinal të saj, duke hjekur maskën deri në masën e identifikimit me kokardën ruso-jugosllave.

MARSHALLI i kohës Staliniste pritej nëpër sheshet e qyteteve nga Naçallniku i Milicisë, Predsedniku i Skupshtinës dhe Predstavniku i Vlladës me shallin e kyq në përqafje, duke shfrytëzuar dhe keqpërdorur fëmijët e modeluar si “PIONERËT E MARSHAL TITËS”.

Dje u zhvillua parada e njëjtë si në vitet 70-80-ta, por me aktor-pionerët e m’plakur, të cilët ishin rrëmbyer nga emocionet e nostalgjisë jugosllave.
Naçallniku i Milicisë ( përgjegjës i sigurim-mbrojtës nga fëmijët e çerdhes dhe shkollave fillore) përcolli Marshallin deri te vendi i përcaktuar, të cilit i kishin caktuar si shoqërues Presednikun e Opshtinës, Predstavnikun Vlladës dhe Presedniken e Komitetit të Partisë.

Megjithatë dallimi duhet bërë në mënyrë që mos mbetemi borxhlinj në raportet me shërbëtorët e SUP-it, të angazhuar si vëzhgues dhe raportues të ngjarjeve;
Dallimi mes organizimeve të hershme (origjinale) dhe të tanishmeve (inskenimi) është te pjesa e shfrytëzimit të fëmijëve për qëllime politike në kohë dite dhe në kohët e mbrëmbjeve të vona.., atëherë kur fëmijët kanë nevojë të çlodhjes përmes gjumit…

Çka duhet bërë prindërit në raste të këtilla ?!
– Të kërkohet përgjegjësi nga Drejtori i Çerdhes, për shfrytëzim të fëmijëve.
– Llogari nga mësuesët dhe drejtorët e shkollave, të cilët janë urdhërdhënës që fëmijët të marrin pjesë në ngjarje me prapavijë politike.
– Llogari nga Kryeshefi që keqpërdor detyrën zyrtare.

– Llogari nga përfaqësuesit e pushtetit lokal dhe qëndrorë, për keqpërdorim të fëmijëve dhe detyrës.
Institucionet !
– Të veprojnë në përputhje me ligjet, të cilat parashohin qartë të gjitha shkeljet e këtilla.

Përfaqësuesit e Subjekteve Politike !
Të reagojnë dhe të kërkojnë llogari nga të gjithë…
*Ps: Diktatura Jugosllave u varros me përpjekjet e injektimit të virusit stalinist në mënyrë të dhunshme te fëmijët dhe rinia…
PRINDËR, KUJDES !!!
Shkruan Fatmir Limani në facebook duke publikuar edhe këtë foto.

/ms