Vëllazërimi nuk ndalet, fiton edhe derbin e Kërçovës..

Në fundjavë janë luajtur ndeshjet e xhiros së 7-të të Ligës së Tretë – Perëndim.
Kampioni i vitit të kaluar, i cili ishte i pafat në play-off për Ligën e Dytë, lideri Vëllazërimi fitoi në derbin lokal në Kërçovë ndaj Napredokut me 0:2. Në minutën e 70-të, rezistenca e vendasve u thye me golin e Mirlind Ibraimit dhe një minutë më vonë Aliu u përjashtua me karton të dytë të verdhë, duke lënë mysafirët me një lojtar më pak. Në minutën e 79-të Simjanoski u përjashtua me karton të dytë të verdhë, kështu që dy skuadrat u barazuan në fushë.

Në minutën e 81-të rezervisti Sejduahmet Zendeli shënoi gol për rezultatin 0:2 dhe fitore të rëndësishme për Vëllazërimin në rrugën drejt barazhit të ri për në Ligën e Dytë.
Drita fitoi 4:0 ndaj Reçicës në shtëpi. Abdullahi shënoi për 1:0, ndërsa në fund të pjesës së parë shënues ishin Selimi dhe Alili për 3:0 në pjesën e parë.

Në pjesën e dytë, pra në minutën e 57-të, Besart Abazi ishte shënuesi i golit të katërt për vendasit për fitoren bindëse 4:0.
Dueli me dhjetë gola mes Zajazit dhe Lubotenit i takoi nikoqirit, i cili ishte kundërshtari më i mirë duke fituar me rezultat 6:4.

Në pjesën e parë u shënuan pesë gola. Luboteni kishte epërsi 2:3. Murtezani shënoi gol në minutën e parë për 1:0, ndërsa Petrovski barazoi në 1:1. Në minutën e 7-të Ceka shënoi autogol për 2:1, ndërsa tashmë në minutën e 9-të rezultati vazhdoi me golin e Mihajlovskit për 2:2. Në fund të pjesës së parë, Petrovski shënoi gol për ta kthyer Lubotenin në epërsi 2:3.

Në fillim të pjesës së dytë, Saliu barazoi në 3:3, ndërsa Kostadinoski shënoi një gol për të kaluar në epërsi të re të Lubotenit prej 3:4 në minutën e 52-të. Tre minuta më vonë, Osmani shënoi gol për 4:4, ndërsa tashmë në minutën e 63-të, nikoqiri e riktheu epërsinë në 5:4 me anë të Hashimit me një gol nga penalltia. Dhjetë minuta më vonë Rufati shënoi për rezultati final 6:4.

Luboteni nga minuta e 61-të luajti me një lojtarë më pak, pasi Bojan Zafirovski mori kartonin e dytë të verdhë dhe u përjashtua nga loja.
Një fitore bindëse ka shënuar Xhepcishti, i cili ka mundur në shtëpi skuadrën kamjane me rezultat 4:2. Pjesa e parë u mbyll me barazim 2:2, kështu që beteja për tri pikët vazhdoi në pjesën e dytë. Golashënues i dyfishtë për vendasit ishte Mentor Saljiu, një herë Sadiki dhe Imeri, ndërsa për mysafirin Yusufi dhe Sadiki.

/ms