Hamasi nuk u krijua nga CIA apo Mossad..!

Hamasi u formua në Gaza në vitin 1987 nga Imam Sheikh Ahmed Jassin dhe ndihmësi i tij Abdul Aziz al-Rantisi, menjëherë pas kryengritjes kundër pushtimit izraelit të territoreve palestineze. Lëvizja filloi si një grup i Vëllazërisë Myslimane në Egjipt dhe krijoi një krah ushtarak që u angazhua në përleshje ushtarake kundër Izraelit për të çliruar Palestinën historike. Gjithashtu ofroi ndihmë humanitare për viktimat palestineze të okupimit izraelit, shkruan Vërtetmatësi.

Po shqyrtojmë një postim në rrjetin social Facebook ku shkruhet:
Sa herë që Izraelit i duhet një arsye për të filluar pastrimin e Rripit të Gazës, Hamasi shfaqet dhe kryen sulme terroriste në Tel Aviv.

Hamasi për të painiciuarit është një organizatë paraushtarake e krijuar nga Mossad-i izraelit me ndihmën e CIA-s për të shkatërruar PLO-në (Fronti Çlirimtar i Palestinës i Yasser Arafatit). Hamasi madje filloi një luftë civile me PLO-në në fillim të këtij shekulli dhe është drejtpërdrejt përgjegjës për derdhjen e gjakut palestinez.

Unë tani garantoj se forcat izraelite do të bëjnë një masakër ndaj palestinezëve.
Si përfundim, skena është një operacion me flamur të rremë nga CIA, MI6 dhe Mossad.
Ndryshe nga sa thuhej në njoftim, as CIA dhe as Mossad nuk janë krijuar nga Hamasi.

Siç raportoi Al Jazeera, Hamasi u formua në Gaza në vitin 1987 nga Imam Sheikh Ahmed Jassin dhe ndihmësi i tij Abdul Aziz al-Rantisi, menjëherë pas kryengritjes kundër pushtimit izraelit të territoreve palestineze. Lëvizja filloi si një grup i vëllazërisë myslimane në Egjipt dhe krijoi një krah ushtarak që u angazhua në përleshje ushtarake kundër Izraelit për të çliruar Palestinën historike. Gjithashtu ofroi ndihmë humanitare për viktimat palestineze të okupimit izraelit.

Rrënjët e Hamasit, që në fakt është themeluar në fillim të kryengritjes së parë palestineze, i ka rrënjët në degën palestineze të Vëllazërisë Myslimane dhe mbështetet nga një strukturë e madhe sociopolitike brenda territoreve palestineze. Karta e grupit bën thirrje për krijimin e një shteti palestinez islamik për të zëvendësuar Izraelin. Fuqia e Hamasit është e përqendruar në Rripin e Gazës dhe në zonat e Bregut Perëndimor. Hamasi ka një krah ushtarak që ka kryer sulme të shumta anti-izraelite si në Izrael ashtu edhe në territoret palestineze që nga vitet 1990.

Këto sulme përfshijnë bombardime të mëdha ndaj objektivave izralitë, sulme me armë të vogla, pajisje shpërthyese të improvizuara në anë të rrugës dhe sulme me raketa. Grupi fitoi zgjedhjet në territoret palestineze në fillim të vitit 2006, duke i dhënë fund sundimit të partisë laike Fatah mbi Autoritetin Palestinez dhe duke sfiduar udhëheqjen e Fatahut të një lëvizjeje nacionaliste palestineze. Hamasi vazhdon të refuzojë të njohë ose të braktisë rezistencën e dhunshme kundër Izraelit dhe në fillim të vitit 2008 nisi një bombë vetëvrasëse që vrau një civil, si dhe sulme të shumta me raketa dhe mortaja që plagosën civilët në Izrael. Qeveria amerikane e ka cilësuar Hamasin një organizatë të huaj terroriste.

Në qershor 2008, Hamasi nënshkroi një marrëveshje gjashtëmujore me Izraelin që reduktoi ndjeshëm sulmet me raketa. Pas një qetësie të përkohshme, Hamasi rifilloi sulmet me raketa, duke shkaktuar një operacion të madh ushtarak izraelit në fund të dhjetorit 2008. Pas shkatërrimit të pjesës më të madhe të infrastrukturës së Hamasit në Rripin e Gazës, Izraeli shpalli një armëpushim të njëanshëm më 18 janar 2009.

Hamasi dhe Fatah ranë dakord në prill 2011 për të formuar një Qeveri të përkohshme dhe për të mbajtur zgjedhje, duke konfirmuar këtë premtim në shkurt 2012. Hamasi u largua nga selia politike në Damask në shkurt pasi presidenti sirian Bashar al-Assad e bëri qëndrimin e tyre në Siri të paqëndrueshëm.

Në maj 2012, Hamasi pretendoi se kishte formuar një forcë prej 300 ushtarësh për të parandaluar grupet e tjera të rezistencës palestineze që të gjuanin raketa në Izrael. Në nëntor, konflikti shpërtheu përsëri. Derisa Hamasi punoi për të mbajtur një armëpushim të ndërmjetësuar nga Egjipti që i dha fund konfliktit njëjavor, grupe të tjera militante shkelën armëpushimin, me sulme sporadike me raketa në 2013 dhe 2014. Fatah dhe Hamasi ranë dakord në prill 2014 për të formuar një qeveri të unitetit teknokratik të kryesuar nga kryeministri Rami Hamdallah dhe për të mbajtur zgjedhje brenda gjashtë muajve. Hamasi nuk hoqi dorë nga rezistenca e dhunshme kundër Izraelit edhe gjatë armëpushimit me Fatahun.

Në korrik 2014, armëpushimi i brishtë midis Hamasit dhe Izraelit u shemb plotësisht pasi tre adoleshentë izraelitë u rrëmbyen dhe u vranë në qershor, vdekjet e tyre i atribuohen Hamasit. Një palestinez u vra nga izraelitët si hakmarrje. Sulmet me raketa hakmarrëse nga Hamas dhe militantë të tjerë palestinezë në Rripin e Gazës janë përshkallëzuar në konfliktin më të gjatë dhe më vdekjeprurës të Izraelit që nga viti 2009.

Ndryshe nga sa thuhet në publikimin që po shqyrtojmë, CIA jo vetëm që nuk e themeloi Hamasin, por e karakterizon dhe e cilëson atë si një grup terrorist në faqen e tyre të internetit.

Në maj 2021, Hamasi hodhi raketa në drejtim të Izraelit, duke nisur një konflikt 11-ditor që përfshinte grupe të tjera militante në Gaza. Egjipti, Katari dhe Koordinatori Special i OKB-së për Lindjen e Mesme nisën proceset e paqes për të parandaluar përshkallëzimin në një konflikt më të gjerë. Që nga viti 2018, Hamasi ka koordinuar gjithashtu demonstratat në kufirin e sigurisë me Izraelin dhe shumë nga këto protesta janë kthyer në të dhunshme, duke rezultuar në vdekjen e ushtarëve izraelitë, si dhe me më shumë se 200 të vdekur dhe mijëra të plagosur, nga viti 2018 deri në vitin 2019, shkruan CIA .

Siç raportoi Guardian në vitin 2015, Shtetet e Bashkuara në vitin 1997 gjithashtu e cilësuan Hamasin si organizatë terroriste.
CIA-s i ndalohet me ligj që të ofrojë mbështetje materiale për një organizatë terroriste, por do të ishte pjesë e punës së saj të përpiqet të rekrutojë dikë nga brenda një organizate të tillë si informator ose burim.

Një zëdhënës i CIA-s tha për Guardian:
“CIA mbështet përpjekjet e qeverisë për të luftuar terrorizmin ndërkombëtar duke mbledhur, analizimin dhe shpërndarjen e inteligjencës për grupe apo individë të huaj terroristë. CIA i kryen ato aktivitete të inteligjencës në përputhje me Kushtetutën e Shteteve të Bashkuara, statutet federale dhe direktivat e Presidentit”.

Mossad nuk e krijoi as Hamasin, pasi manifesti i Hamasit thotë se qëllimi i tyre përfundimtar është të shkatërrojnë Izraelin si shtet. Në manifestim shkruhet se është një lëvizje palestineze, islamike, e cila përpiqet “të ngrejë flamurin e Allahut mbi çdo pëllëmbë të Palestinës (neni 6). Pastaj ai shkruan se qëllimi përfundimtar është shkatërrimi i Izraelit, i cili thuhet në preambulë. Pastaj thuhet gjithashtu se sipas Hamasit, zona është plotësisht myslimane (Palestinë) se ajo është një pasuri e shenjtë e siguruar për brezat e ardhshëm myslimanë deri në Ditën e Gjykimit dhe askush nuk mund të marrë asnjë centimetër prej saj. Në vetë manifestin ka mesazhe dhe angazhime shqetësuese antisemitike që nuk mund të ishin shkruar nga hebrenjtë, pra nga Mossad. Për shembull, thotë se të gjithë hebrenjtë duhet të vriten. Ministria e Jashtme izraelite e ka publikuar manifestin si informacion.

Hamasi është gjithashtu pjesë e një aleance rajonale me Iranin, Sirinë dhe Hezbollahun e Libanit që kundërshtojnë politikat e SHBA-së në Lindjen e Mesme dhe Izraelin.
Për të gjitha faktet e mësipërme, ne e vlerësojmë postimin që po shqyrtojmë si të pavërtetë.

/portalb