Një apel për komunitetin shqiptar në Zvicër..!
Të dielën mbahet zgjedhjet parlamentare në Zvicër. Secili qytetar dhe qytetare i këtij vendi tashmë i ka marrë fletëvotimin dhe materialet përcjellëse me postë.
Nesër, e martë, është dita e fundit kur fletëvotimet duhet të dërgohen me postë!
Apeli im është shumë i shkurtër: kush nuk e ka plotësuar fletëvotimin, këtë mund ta bëjë sot dhe nesër gjatë ditës dhe ta dorëzojë në postë. Pjesëmarrja në zgjedhje është tejet e rëndësishme në mënyrë që të dëgjohet zëri i çdo qytetari dhe i komuniteteve të margjinalizuara.
Në të kaluarën pjesëmarrja e shqiptarëve në zgjedhje në Zvicër ka qenë turpshëm e ulët. Të shpresojmë se kësaj radhe do të jetë ndryshe. Ata që harrojnë të votojnë deri nëser, këtë mund ta bëjnë të dielën, duke shkuar në vendvotime, por në shumë lokalitete vendvotimet janë vetëm për disa orë të hapura, sepse shumica edhe ashtu voton përmes postës.
Nuk është me rëndësi vetëm pjesëmarrja, por edhe përkrahja e partive që kanë qasje korrekte dhe përkrahëse ndaj komunitetit shqiptar, siç ka edhe parti që mobilizojnë elektoratin prej vitesh me agjenda raciste dhe antishqiptare. Dallimin nuk është vështirë ta bëni. Votoni! Për veten tuaj, së pari, por edhe për interesat e komunitetit shqiptar dhe shoqërisë së gjerë. Demokracia është forma më e mirë e organizimit të jetës publike!
Kush ka dëshirë, mund ta shpërndajë këtë shënim.
Shkruan Enver Robelli /ina
