Maqedoni: Këta që janë në qeveri janë hajna thonë qytetarët prandaj ik masovikisht rinia..!
Qytetarët kanë humbur shpresën për perspektivë në Maqedoni dhe shumë prej tyre, në veçanti të rinjtë po ikën në Perëndim. Çdo familje ka së paku një person jashtë shtetit. Shqetësues është trendi i rritjes së emigrimit të atyre që janë tu shkolluar dhe të kualifikuar për punë. Papunësia deri më tani ka zbrazur shumë fshatra e ka përgjysmuar qytete në gjithë vendin.
“Skamje shumë, papunësi shumë, fukarallëku në gjitha anët, të hamë e të pimë nuk kemi se rroga nuk na del, çfarë të bëjmë me 200-250 euro rrogë apo pension, si të jetojnë të rinjtë edhe pse kanë kryer shkollë. Në familjen time diku 50-60 veta janë larguar, gjithë janë në Gjermani, Zvicër, Austri bile edhe Norvegji.”
“Jeta është e vështirë krejt në humbje po shkojmë, askund mos e lypni gabimin. Rinia po ikin se përpara e kanë lënë keq, e tani edhe më keq është bërë e të rinjve u mbeten.”
“Jetesë më e mirë në Gjermani, këtu nuk ka se me 300 euro nuk është rrogë ajo. Çmimet po rriten.”
“Për pesë vite do zbrazet ky vend përveç pensionistëve dhe filloristëve s`do ketë njëri nëse nuk bëhen reforma. Edhe atë reforma urgjente”.
“Në bazë të gjitha rrethanave ka shumë faktor, por së pari është politika , ekonomia gjithsesi, rrogat e vogla standardi tepër i lartë, çmimet e larta. Por ka edhe një gjë, pasiguria tek të rinjtë që kërkojnë kushte më të mira për jetesë. T them të drejtët në bazë të kësaj që shohim veçmë është zbraz shteti, fshatrat qyteti”.
“Të rinjtë skanë faj ska ardhmëri këtu, kryen fakultetin ska punësime, duhet përmes partisë të njohurve ose me para. S`kanë faj të rinjtë ne i kemi fajet”.
“Kjo ndodh sepse populli e sheh se kemi varfëri të madhe. Fajtore është vetëm Qeveria, ajo është fajtori kryesor sepse nuk ua mundëson popullit të hanë bukë, nuk hapën vende pune. Ka kryer shkollë dikush, duhet të rrinë në shtëpi, e meqë rrugën e ka hapur për në mërgim ikën dhe askush s’do mbetet këtu.
Këta që janë në qeveri janë hajna, hajna janë vetëm ata duan të jetojnë se paratë në varre do i marrin”.
“Politika është fajtore për krejt. Ardhmëria këtu është zëri. Shteti duhet urgjentisht të intervenojë bile e vonuar është”.
“Krejt ndodh shkaku i ekonomisë, kushteve politike ekonomike, andaj ndodh kjo. Investime nuk ka, të rinjtë kryejnë shkollimin perspektivë punësimi nuk kanë dhe ka mbet kjo, migrimi”.
/Alsat.mk
