Maqedonia radhitet në vendin e katërt me 25% të popullsisë që jetojnë jashtë vendit..!
Maqedonia e Veriut radhitet në vendin e katërt me 25% të popullsisë që jetojnë jashtë, Mali i Zi me 21% dhe në fund Serbia me përqindjen më të ulët, 15% ku destinacion kanë zgjedhur Gjermaninë, Austrinë, Francën, Italinë dhe Zvicrën, shkruan Radio Evropa e Lirë.
31% e qytetarëve të Kosovës jetojnë jashtë vendit dhe kësisoj Kosova renditet e treta në rajon me numrin e shtetasve që jetojnë jashtë.
Sipas grafikës së publikuar nga Radio Evropa e Lirë, 91% e kosovarëve që jetojnë jashtë vendit janë në Gjermani, Zvicër, Itali, Austri dhe ShBA.
E para është Bosnje e Hercegovina me 45% të popullsisë që jetojnë jashtë, e që shtetasit e tyre kanë zgjedhur si destinacion Kroacinë, Serbinë, Gjermaninë, Austrinë dhe Slloveninë.
Në vend të dytë të kësaj liste është Shqipëria me 43%, ku shtetasit shqiptarë që jetojnë jashtë janë më shumë në Itali, Greqi, ShBA, Gjermani dhe Kanada, 89% e tyre, përcjell albinfo.ch.
/ albinfo
