Ahmeti: Nëse nuk votohen ndryshimet kushtetuese, këtu do të mbesim vetë ne politikanët..

Ndryshimet kushtetuese duhet të ndodhin tani, sepse ky është momenti i artë për vendin, vlerëson lideri i BDI-së, Ali Ahmeti në intervistë për TV21. Shtoi se nëse krerët politikë në qeveri nuk i votojnë të njëjtat, përfshirë edhe ata të opozitës, atëherë në Maqedoninë e Veriut do të mbesin vetëm politikanët dhe biznesmenët, pasi të tjerët do ta braktisin vendin.

“Hristijan Mickoski duhet t’i mendojë gjërat mirë sepse mban përgjegjësi si lider partie. Gjërat nuk e di si do të shkojnë, por është e domosdoshme që ndryshimet kushtetuese të ndodhin. Ne nuk duhet ta humbim shansin e artë.

Ne jemi para hyrjes në dhomë kryesore. Në qoftë se Mickoski, Kovaçevski, Ahmeti, Thaçi, Taravari duan që të mbesin të vetëm këtu dhe të votojnë për njëri – tjetrin, atëherë mos t’i bëjnë ndryshimet kushtetuese dhe ne të sillemi vërdallë këtu, politikanë, biznesmenë atëherë njerëzit do të na braktisin, sepse njerëzit duan jetë më të mirë”, tha Ahmeti.

/tvkoha