Derin në Kërçovë me eksploziv, por nga Kërçova në Ohër duhet bombë “atomike” që të përfundojë autostrada..!

Qeveria garanton se korridorin 8 do ta ndërtojë për përafërsisht 5 vjet dhe për të paktën 10 vjet nuk mund të përfundojë as 57 kilometrat e autostradës Ohër-Kërçovë, e cila është dashur të jetë gati në vitin 2018. Edhe pas tre zgjatjeve dhe shkeljeve të afateve.

Nga afatet për ndërtimin e autostradës, e cila nuk i duket fundi, autoritetet sigurojnë se do të vihet në përdorim deri në fund të vitit, pra pas 3 muajsh. Ndërkohë, disa nga kompanitë kontraktore dështuan dhe spekulohet se janë zëvendësuar edhe anëtarë të autoritetit mbikëqyrës të ndërtimit të rrugëve. Kryetari i Ohrit është skeptik se autostrada do të përfundojë edhe për të paktën 2 vjet, përcjell FLAKA.

“Kontraktori i parë ka qenë “Viktoria Invest”, një kompani e cila ka dështuar gjatë ekzekutimit, nëse ka falimentuar apo ka pasur ndonjë problem tjetër financiar nuk është aq e rëndësishme, ndaj është zëvendësuar nga një kontraktor tjetër. Aktualisht disa kontraktorë kanë shpallur krejtësisht të ndryshëm, por realiteti eshte se mezi shohim perparim. Ju kujtoni ne fillim te sezonit veror na bllokuan 2-3 jave ne hyrje te Ohrit me pretekstin se do te ndertohej autostrada dhe arritem rreth 100 metra asfalt”, thotë kryetari i Ohrit, Pecakov.

Për lëshimet serioze në projektimin e autostradës flet edhe kryetari i komunës së Debrcës, Zoran Nogaçeski, i cili nuk e kupton se si kanë harruar të sigurojnë rrugë hyrëse për banorët e Debrcës që nuk kanë dalje direkte te autostrada, e cila kalon nëpër Debrcë.

“Jo, nuk e di se si do ta përdornin pa rrugët hyrëse, sepse përsëri do të duhej të kishte një lloj aksesi derisa të ndërtohen ato rrugë hyrëse dhe përsëri kjo do të thotë se nuk është autostradë në kuptimin e vërtetë. Po ia dalim në atë mënyrë që e menaxhojmë, por e gjithë kjo është me rrezik të madh, me rreziqe të mëdha në qarkullimin e komunikacionit, kemi qenë dëshmitarë se kanë ndodhur mbi 40 aksidente trafiku në të cilat ka pasur njerëz viktima dhe dëme të mëdha materiale”, thotë Nogaçeski.

Nga Ministrisa e Transportit dhe Lidhjeve, u interesuam nëse vendbanimit nga komuna e Debrcës do t’i sigurohet qasja në autostradë, a do të ketë vazhdim të ri të afatit për ndërtimin e autostradës dhe nëse do të kalojë shumën e 600 milionë eurove, por përgjigja nuk ka.

/FLAKA