Pendarovski: Nga ne varet agjenda europiane..!
Presidenti Stevo Pendarovski sot ka pranuar në takim shefin e delegacionit të Bashkimit Europian në Maqedoninë e Veriut, ambasadorin David Ger dhe zëvendësambasadorin e delegacionit të BE-së, Ben Nupnau, transmeton TV21.
Nga kabineti i të parit të shtetit njoftojnë se “në takim është biseduar për situatën aktuale që ndërlidhet me aspiratat europiane të shtetit tonë, për përparimin në reforma, si dhe për situatën politike në shtet dhe rajon”.
Më tej thuhet se “bashkëbiseduesit kanë këmbyer mendime dhe informacione për rrjedhën e negociatave qasëse dhe procesin e skriningut, si dhe për hapat e ardhshëm të cilat duhet t’i ndërmarrë Maqedonia e Veriut me qëllim që të përparojë në procesin eurointegrues, ku presidenti Pendarovski potencoi se agjenda europiane varet nga ne, si dhe realizimi i obligimeve të cilat duhet të përmbushen”.
/TV21
