Shumica synon t’i ulë dënimet për keqpërdorimet e funksionarëve..!

Në Kuvendin e Maqedonisë së Veriut në mënyrë urgjente është thirrur seancë e Komisionit për çështje evropiane, ku në rend dite është propozimi i Qeverisë për ndryshim dhe plotësim të Kodit Penal.

Siç mësohet, propozimi që mban “flamurin europian”, ka për qëllim që nëpërmjet ndryshimeve në Kod, të bëhet ulja e dënimeve për veprat si “keqpërdorim i pozitës dhe autorizimit zyrtar” dhe “shoqërim kriminel”, vepra për të cilat më së shumti ndiqen ish funksionarë të VMRO-DPMNE-së nga ish Prokuroria Publike Speciale.

Parashihet që të ulet dënimi për 4 vjet, ku vendoset kufiri më i lartë duke u llogaritur edhe vjetërsia e veprës.

Në zgjidhjen aktuale ligjore, nuk ka kufi të lartë, por dënimi parashihet prej 3 deri në 20 vjet.
Sa i takon veprës “shoqërim kriminel”, me ndryshimet ligjore të propozuara parashihet që dënimi i paraparë deri në 10 vjet, të ulet në deri 3 vjet, kurse dënimi i paraparë deri në 5 vjet të ulet deri në 2 vjet, transmeton 21.

Përpjekje të ngjashme për të ulur dënimet e funksionarëve pati edhe gjatë procesit të ndryshimeve kushtetuese për ndryshimin e emrit, por pas reagimeve të shumta, u tërhoqën prapa.

/lajmpress